Салгыы
Чурапчыга оҕолорго көҥүл тустууга аһаҕас турнир

Чурапчыга оҕолорго көҥүл тустууга аһаҕас турнир

Ааптар:
20.04.2023, 15:14
Хаартыска А.Слепцов тиксэриитэ
Бөлөххө киир:

Чурапчыга А.И.Федотов аатынан спорт киинигэр ССРС спордун маастарыгар кандидат, РФ Ыксаллаах быһыыга- майгыга министиэристибэтин «За отличие в службе» мэтээлинэн,  «Ликвидатор ЧС» анал бэлиэнэн наҕараадаламмыт Федот Спартакович Слепцов аатыгар оҕолорго көҥүл тустууга өрөспүүбүлүкэтээҕи аһаҕас турнир буолла.

Хаартыска А.Слепцов тиксэриитэ

Федот Спартакович кэргэнэ Александра Николаевна, ийэтэ, үлэ бэтэрээнэ,  «Ийэҕэ Албан аат» бочуоттаах бэлиэ хаһаайката Лидия Федотовна, аҕата, Саха Өрөспүүбүлүкэтин Бочуоттаах бэтэрээнэ, Чурапчы улууһун, Чурапчы нэһилиэгин Бочуоттаах гражданина Спартак Григорьевич Слепцовтар бочуоттаах ыалдьыт быһыытынан ыҥырыллан ыалдьыттаатылар. Күрэхтэһиини үөрүүлээхтик аһыыга улуус дьокутааттарын сэбиэтин бэрэссэдээтэлэ, бииргэ үөскээбит доҕоро Афанасий Захаров, Чурапчы нэһилиэгин баһылыга Владимир Сивцев, тириэньэрэ Семен Макаров, улуустааҕы тустуу федерациятын бэрэссэдээтэлин солбуйааччы Александр Неустроев, Федот Спартакович кэргэнэ Александра Слепцова эҕэрдэ тыл эттилэр.

Хаартыска А.Слепцов тиксэриитэ

Барыта 50 спортсмен кытынна. Сытыы киириилээх-тахсыылаах, элбэх күлүмэх бырахсыылардаах хапсыһыылар буолан, саала иһэ ньиргийэн олордо. Түмүккэ 27 кг Еремей Платонов (Амма), 32 кг Сандал Ягодин (Амма), 45 кг Сайаан Никифоров (Чурапчы), 45 кг үөһээ 60 кг диэри Слава Окороков (Амма) бастаатылар. Чөмпүйүөннэргэ, бириистээх миэстэни ылбыттарга мэтээллэр кэтэрдилиннилэр,грамоталар туттарылыннылар. Анал бириистэр олохтонон бэриллибиттэрэ эдэр тустууктары үөртэ, инникитин өссө үрдүк кирбиилэри ситиһэллэригэр эрэли үөскэттэ. Маны сэргэ, «Саамай эдэр тустуукка», «Кыайыыга дьулуурун иһин», «Бастыҥ хапсыһыы», о.д.а. анал бириистэр туттарылыннылар. Маннык күрэхтэһии өрөспүүбүлүкэҕэ инникитин эдэр бөҕөстөр үүнэн-сайдан тахсалларыгар көмөлөөх.

Алексей Слепцов,

Чурапчы.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
12 июня
  • 16°C
  • Ощущается: 15°Влажность: 51% Скорость ветра: 3 м/с

Сообщить об опечатке

Текст, который будет отправлен нашим редакторам: