Хаартыска: https://sakha.gov.ru/
«Комплексное развитие сельских территорий» судаарыстыбаннай бырагыраама иитинэн, 120 миэстэлээх саҥа оскуола Чурапчы улууһун Мындаҕаайытыгар тутулунна. Тутуу суумата 428 мөл. солк. диэн СӨ Ил Дарханын уонна бырабыыталыстыбатын пресс-сулууспата иһитиннэрдэ.
2023 сыл ахсынньы 28 күнүгэр эбийиэги үлэҕэ киллэрии туһунан көҥүл бэриллибит. Онон, оскуоланы үөрүүлээх быһыыга-майгыга аһыы сиэрэ-туома тохсунньу үһүс дэкээдэтигэр былааннаммыт.
Дойду Аҕа баһылыга Владимир Путин тыа сиригэр олорорго табыгастаах усулуобуйа тэриллиэхтээх диэн куруук этэр. Онон, тыа сиригэр кэлиҥҥи сылларга саҥа социальнай эбийиэктэр тутуллуулара элбээн иһэр.
Икки мэндиэмэннээх 2530 кв. м. иэннээх оскуола аныгы олох ирдэбилигэр эппиэттиир, киэҥ-куоҥ кылаастардаах, 48 миэстэлээх остолобуойдаах, спортивнай, актовай саалалардаах, библиотекалаах, мастарыскыайдаах, мэдиссиинискэй блоктаах.
Саха сиригэр 2018-2022 сылларга федеральнай уонна эрэгийиэннээҕи үбүлээһин, ол иһигэр «Үөрэх» национальнай бырайыак суотугар уопсайа 10,2 тыһ. миэстэлээх 48 оскуола тутулунна. 2023 сылга өрөспүүбүлүкэҕэ 14 оскуола тутуллубута. 57 оскуола хапытаалынай өрөмүөннэммитэ. 2024 сылга 18 оскуола тутуллара быланнанар.
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…