Чурапчыга сорох кылаастары харантыыҥҥа ыыттылар

Чурапчы улууһун баһылыга Степан Саргыдаев ыам ыйын 2 күнүгэр улуус дьаһалтатын, тэрилтэлэрин салайааччыларын кытары пленарнай мунньаҕы ыытта.

Мунньахха Оройуоннааҕы киин балыыһа кылаабынай бырааһа Николай Сивцев парвовируһунан ыалдьыбыт дьон үтүөрбүттэрин туһунан иһитиннэрдэ. Билигин инфекция салҕыы тарҕамматыгар үлэ күүскэ ыытыллар.

Чурапчы сэлиэнньэтин орто оскуолатын 8 кылааһын үөрэнээччилэриттэн 10 оҕо ыалдьан, ыарыы салҕыы тарҕамматын туһугар кылаас оҕолорун харантыыҥҥа ыыттылар. Ол туһунан оскуола дириэктэрэ иһитиннэрдэ.

Санатан этэххэ, парвовирус диэн ыарыы Арассыыйа үрдүнэн чуо Чурапчы улууһугар эрэ турбут.