Чурапчыга суол саахалыгар пассажир эмсэҕэлээбит

Ыам ыйын 18 күнүгэр түүн 4 чаас саҕана Чурапчытааҕы ИДьМ сулууспатын дьуһуурунай чааһыгар П. Пинигин аатынан уулуссаҕа 19№-дээх дьиэ таһыгар биир киһи эчэйиилээх суол саахала тахсыбытын туһунан иһитиннэрии киирбит. Бу туһунан Госавтоинспекция пресс-сулууспата иһитиннэрэр.

Барыллаан быһаарыынан, П. Пинигин аатынан ууллусаҕа итирик туруктаах суоппар «Тойота-Гайя» массыынанан суолтан туораабыт уонна түҥнэстибит. Массыынаҕа суоппартан ураты икки пассажир баар эбит.

Быһылаан түмүгэр биир пассажир араас эчэйиилээх оройуоннааҕы балыыһаҕа киирбит. Эмсэҕэлээбит киһи курунан баанан олорботоҕо быһаарыллыбыт, суоппар эмсэҕэлээбэтэх. Госавтоинспекция үлэһиттэрэ административнай матырыйаалы тэрийдилэр. Саахал чахчытынан бэрэбиэркэ ыытыллар.