Чурапчыга сүппүт булчут өлүгүн буллулар

Бүгүн, алтынньы 10 күнүгэр, Чурапчыга сүппүт 1987 с.т. эр киһи өлүгүн буллулар. Бу туһунан СӨ Быыһыыр сулууспата иһитиннэрэр.

Биллэринэн, 37 саастаах булчут Мырыла сэлиэнньэтиттэн доҕотторун кытта бултуу барбыт. Аара МТЗ-85 тыраахтардара нэһилиэнньэлээх пуунтан 25 км тэйиччи сиргэ алдьаммыт. Онуоха бу эр киһи дьиэтигэр төннөн, саппаас чаастарын ылбыт. Алтынньы 2 күнүгэр алдьаммыт тыраахтарыгар айаннаабыт, Амма өрүһү мотуордаах оҥочонон туораабыт уонна сатыы барбыт.

Кини кытылга хаалларбыт тыытын булбуттара. Алтынньы 7 күнүгэр икки доҕоро кинини көрдөөн, тыраахтарга диэри тиийбиттэр да, булбатахтар. Алтынньы 8 күнүгэр булчуту көрдүү диэн Чурапчытааҕы көрдүүр-быыһыыр этэрээт үс быыһааччыта туруммута. Көрдөөһүн үлэтигэр барыта 30 киһи сырытта.

Бүгүн 11:00 чааска булчут өлүгүн Кэниэдэ үрэхтэн буллулар.