Чурапчыга тыа сирин гаастааһын бырагырааманан 3400-тэн тахса дьиэ гааска холбонно

«Сахатранснефтегаз» АУо генеральнай дириэктэрэ Алексей Колодезников бүгүн Чурапчы улууһугар үлэлээтэ.

Кини улуус баһылыга Степан Саргыдаевы кытта Тыа сирин кэлим сайыннарыы барыгырааматын чэрчитинэн гастааһын «10-с пусковой комплексын (3 түһүмэх)» эбийиэгин көрдүлэр.

Бу бырагырааманан Чурапчы сэлиэнньэтигэр 2015 сылтан 2019 сылга диэри 1-тэн 8 диэри пусковой комплекстар 1600-тэн тахса гаас ситимэ тутуллубута.

«Онон Тыа сирин кэлим сайыннарыы барыгырааматын чэрчитинэн 2015 сыллаахха саҕаламмыт улууһу гаастааһын улахан циклын түмүктээтибит. 2022 сылтан социальнай гаастааһын бырагырааматын чэрчитинэн улуус 1800-н тахса дьиэ кэргэнигэр гаас киирдэ. Ити икки бырагыраама көмөтүнэн Чурапчы улууһугар уопсайа 3400-тэн тахса дьиэ гааастанна, ыаллар олорор усулуобуйалара тубуста», — диэтэ Алексей Колодезников.