Чурапчыга тыаҕа муммут аҕам саастаах дьахтары быыһаатылар

Бүгүн, атырдьах ыйын 17 күнүгэр, киэһэ 17:45 чааска Чурапчы улууһугар Одьулуун нэһилиэгин 1945 сыллаах төрүөх олохтооҕо сүппүтүн туһунан иһитиннэрии киирбит.

Дьахтар дьиэтиттэн биэдэрэлээх тахсан, тыаҕа барбыт уонна төннүбэтэх. Көрдүүр үлэҕэ тутатына Саха сирин Быыһыыр сулууспатын Чурапчытааҕы көрдүүр-быыһыыр этэрээтин үлэһиттэрэ барбыттар. Номнуо киэһэ 19:00 чааска кырдьаҕаһы булбуттар. Кини туруга этэҥҥэ диэн сыаналанна.