Чурапчыга «Учууталлар түөлбэлэригэр» гаас ситимэ тиийдэ

Чурапчы нэһилиэгэр өссө биир түөлбэҕэ, социальнай гаастааһын чэрчитинэн, тутар-таҥар үлэлэри түмүктээтилэр. Олохтоохтор дьиэлэригэр гаас бастакы киириитэ номнуо оҥоһуллан эрэр. Бу туһунан «Сахатранснефтегаз» генеральнай дириэктэрэ Алексей Колодезников бэйэтин телеграм-ханаалыгар иһитиннэрдэ.

Бу түөлбэҕэ гаас киириитэ кэккэ уустуктардаах этэ. Ол эрэн, “Учууталлар кыбартааллара” диэн ааттаммыт түөлбэҕэ гааһы киллэрэр туһугар бэдэрээтчит көмөтүнэн 4,25 км тарҕатар ситим тардылынна, бүгүҥҥү күҥҥэ гаас ситимигэр 23 дьиэ хаһаайыстыбаны холбоотулар.

2022 сылга киирбит сайаапкаларынан улуус үрдүнэн социальнай гаастааһын бырагырааматынан быйыл барыта 569 киһиэхэ гаас киирэрэ күүтүллэр.