Чурапчыга ураты тэрээһин буолла

Чурапчы улууһун дьаһалтатын мунньахтыыр саалатыгар, муус устар  21  күнүгэр, олохтоох бэйэни салайыныы күнүгэр аналлаах тэрээһиннэр олус сэргэхтик ыытылыннылар. Улуус дьокутааттара, нэһилиэк баһылыктара, тэрилтэ салайааччылара кыттыыны ыллылар.

Күн бастакы аҥаарыгар бэйэни салайыныыга аналлаах сэминээр буолла. Сэминээри инновационнай менеджмент үрдүкү оскуолатын преподавателэ Василий Кривошапкин салайан ытта. РФ бэйэни салайыныы күнүгэр аналлаах дакылааты улуус баһылыга Степан Саргыдаев оҥордо. Кини улууска олохтоох салайыныы историятыттан билиһиннэрдэ, билиҥҥи кэмнээҕи соруктарга тохтоото.

Улуус, нэһилиэктэр, тэрилтэлэр таһымнарынан таһаарыылаахтык үлэлээбиттэр наҕараадаланнылар. Бырааһынньыктааҕы эҕэрдэ ырыалар дьиэрэйдилэр. Онон бу күн сэргэх, ураты буолла.

Алексей Слепцов,

Чурапчы.