Хаартыска: СИА
Чурапчы оройуонугар Елисеевтар дьиэ кэргэттэрэ үс игирэ оҕолоннулар. Бу туһунан оройуон баһылыга Степан Саргыдаев ТГ-ханаалыгар иһитиннэрдэ.
Бэлиэтээн эттэххэ, быйыл Саха сиригэр үсүһүн үс игирэ оҕо күн сирин көрдө.
«Арассыыйааҕа Дьиэ кэргэн уонна Саха сиригэр Оҕо саас сылыгар бу чахчы даҕаны үөрүүлээх түгэн буолла. Ол курдук, Елисеевтар дьиэ кэргэттэригэр үс уол уонна кыыс оҕолоннулар. Ааттарын номнуо биэрдилэр. Бу барыбытыгар үөрүүлээх сонун. Түгэнинэн туһанан Туйаара Петровнаны уонна Реворий Михайловиһы ис сүрэхпититтэн эҕэрдэлиибин. Оҕолор дьоллоох, доруобай буоллуннар! 90- с сылларга биһиги улууспутугар эмиэ маннык түбэлтэ биирдэ буолбутун бэлиэтиэхпин баҕарабын. Бу үөрүүлээх түгэн эмиэ хатыланна», — диэн Степан Саргыдаев иһитиннэрдэ.
Санатан эттэххэ, Саха сиригэр Дьокуускайга бастакы үс игирэ оҕо быйыл атырдьах ыйыгар Анастасия уонна Владислав Степанов дьиэ кэргэттэригэр күн сирин көрбүтэ, ол кэннэ сэтинньи ый бүтүүтэ Хаҥалас улууһун олохтооҕо эмиэ үс игирэ оҕону төрөөбүтэ.
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков салайыытынан муниципальнай тэриллиилэр уорганнара үрдүк бэлэмнээх буолуу эрэсиимҥэ көһөрүлүннүлэр. Гидрометеосулууспа сылыктыырынан, чугастааҕы…
Киин куорат 34 саастаах олохтооҕо, икки кыыс оҕо аҕата, суут быһаарыытынан ый ахсын 15 тыһыынча…
Социальнай ситимнэри кэтээн көрүү кэмигэр Госавтоинспекция үлэһиттэрэ «Тойота Хайс» мааркалаах массыына суоппара суол быраабылатын кэһэн…
Бэс ыйын 4-8 күннэригэр Дьокуускайга Саха сирин эдэр атлеттарыгар биир саамай улахан успуорт тэрээһинэ -…
Саха сиригэр бүгүн, ыам ыйын 3 күнүгэр, Анаабыр, Булуҥ, Усуйаана улуустарынан сөкүүндэҕэ 15-20 м. түргэннээх…
Ленскэй оройуонун олохтооҕо маарката суох, ГОСТ ирдэбилигэр эппиэттээбэт арыгынан эргинээри сууттаммыт. Ол курдук, 60 саастаах…