Салгыы
До выборов президента РФ
00 дней
:
00 часов
:
00 минут
:
00 секунд
Чурапчылар байыаннай дьайыы кыттыылаахтарыгар көмөлөрө

Чурапчылар байыаннай дьайыы кыттыылаахтарыгар көмөлөрө

Ааптар:
27.10.2023, 15:00
https://t.me/churapchinsky
Бөлөххө киир:

Дойдубут үрдүнэн  байыаннай дьайыы кыттыылаахтарыгар, кинилэр  дьиэ кэргэннэригэр араас көмөлөр оҥоһуллаллар. Ол курдук,   Чурапчы улууһун  баһылыга Степан Саргыдаев ыҥырыытынан, бу дьыл балаҕан ыйыттан саҕалаан улуустааҕы  «Чурапчы сайдыыта» фондаҕа улуус тэрилтэлэрэ, урбаанньыттара көмө харчыларын киллэрэ тураллар.

Дьоммут-сэргэбит киллэрбит көмөлөрө бүгүҥҥү туругунан 3 134 485  солк. киирдэ. Үөрэх тэрилтэлэриттэн 1 760 961 солк., оройуон культуратын салаатыттан 26 500 солк., нэһилиэк дьаһалталарыттан 310 547 солк., онтон атын муниципальнай тэрилтэлэртэн 872 306 солк., улуус иһинээҕи судаарыстыбаннай, федеральнай тэрилтэлэртэн 106 170 солк., хаһаайыстыбыннай тэрилтэлэртэн 20 000 солк, урбаанньыттартан 33 000 солк., бааһынай хаһаайыстыбалартан 5000 солк. хомуллунна. Көмө барыта анал фондаҕа киллэриллэн хонтуруолланан ороскуоттанар. Байыаннай дьайыыга кытта сылдьар мэдиссиинискэй сиэстэрэҕэ Сорокоумова А.И. 23 000 солк.,  байыаннай дьайыы кыттылааҕын Авксентьев А.В. кэргэнигэр биир кэмнээх көмө 50 000 солк., байыаннай дьайыы кыттылааҕа Протодьяконов И.Б. ийэтин дьиэтин өрөмүөнүгэр 564 500 солк. ороскуоттанна. Ону таһынан тепловизордары, антидроннары ылыыга 1 155 000 солк. туттулунна, кыһыҥҥы анал  таҥаска 150 000 солк., Донбасс Саха сиринээҕи фондатыгар биир кэмнээх көмөҕө 250 000 солк., байыаннай дьайыы кыттыылаахтарыгар бэлэххэ — саха быһахтарыгар 20 400 солк., байыаннай дьайыыга кытта сылдьар мэдиссиинискэй сиэстэрэҕэ Сорокоумова А.И. кыһыҥҥы таҥас тигиитин матырыйаалыгар 3 263 солк., шеврон ылыытыгар 1600 солк. туттулунна. Фондаҕа киирбит харчыттан бүгүҥҥү  туругунан уопсайа 2 217 763 солк. ороскуоттанна. Ону таһынан улуус бүддьүөтүттэн бу сыл устата уопсайа 4 922 000 солк. көрүллүбүтэ. Ол иһиттэн тепловизионнай монокулярдары ылыыга 1 495 000 солк., байыаннай дьайыы  кыттыылаахтарыгар биир кэмнээх көмө 1 980 000 солк., дьиэ кэргэттэригэр олох-дьаһах өҥөлөрүн ыйдааҕы ороскуотун төлүүргэ 1 447 000 солк. ороскуоттанна. Улуус салалтата дьоммутугар-сэргэбитигэр бу оҥоһуллар көмө, өйөбүл иһин махтанабыт. Фонда үлэтэ өссө да бара турарын биллэрэбит. Уолаттарбыт кыайыы-хотуу аргыстаах дьиэлэригэр — уоттарыгар этэҥҥэ эргиллэллэригэр баҕарабыт. Чурапчы күүһэ түмсүүгэ!, — диэн улуус дьаһалтата иһитиннэрдэ.

+1
1
+1
1
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -31°C
  • Ощущается: -31°Влажность: 61% Скорость ветра: 1 м/с

Сообщить об опечатке

Текст, который будет отправлен нашим редакторам: