Хаартыска С.В. Диодорова-Лаврентьева тиксэриитэ
Чурапчы улууһун дьоно-сэргэтэ анал байыаннай дьайыыга тиһигин быспакка гуманитарнай баһыылкалары ыытар. Бүгүн Чурапчы улууһун дэлэгээссийэтэ 14-с сырыытын уолаттарыгар гуманитарнай көмөнү илдьэ киэһэ көтүөхтээх. Уопсайа 1,5 туонна баһыылка улуус олохтоохторун көмөтүнэн хомуллан, бэлэмнэннэ.
Чурапчылар уолаттарыгар анаан икки сүөһүнү, убаһаны өлөрөн, астаан, сип-сибиэһэй аһы-үөлү бэлэмнээбиттэр, ол иһигэр улуус тыа хаһаайыстыбатын оҥорон таһаарар тэрилтэлэрэ бэйэлэрин бородууксуйаларын, олохтоохтор бурдук, булт астарын буһаран, минньигэс астары хомуйбуттар.
Чурапчы дэлэгээссийэтэ маны барытын биир дойдулаахтара, волонтердар Светлана Диодорова-Лаврентьева тэлгэһэтигэр сарсыарда 6 чааска аҕаланнар, наардааннар, анал дьааһыктарга уганнар, айаҥҥа бэлэмнээтилэр. Анал байыаннай дьайыыга барар баһыылкалары оҥорууну дьиэ хаһаайына Владислав Алексеевич сүрүннүүр. Баһыылкалары биир-биир дьааһыктарга уган, онтон улахан мөһөөччүктэргэ ханан да салгын киирбэт гына скотчунан эрийэн бэлэмниир.
«Бүгүн киэһэ Чурапчы улууһун дэлэгээссийэтэ 14-с төгүлүн анал байаыннай дьайыыга сылдьар уолаттары көрсө көтөр. Онно анаан сарсыарда 6 чаастан 10 чааска диэри баһыылкалары бэлэмнээтибит. Уопсайа 1,5 туоннаттан тахса буолла. Чурапчы улууһун олохтоохторо бүттүүн араас аһы-үөлү хомуйан ыыппыттар. Ол иһигэр икки сүөһүнү, убаһаны өлөрөн, сип-сибиэһэй эти ыыттылар. Түгэнинэн туһанан, биир дойдулаахтарбар, чурапчыларга ахсаабат көмөҕүт иһин махтанабын! Биһиги уолбут кэриэс курдук көмөҕүтүн күүһүрдүҥ диэн эппитэ. Уолаттары суол ортотугар хаалларан кэбиспэппит, көмөбүтүн өссө күүһүрдэбит. Биһиги сүрэхтиин-быардыыр кинилэри кытары бииргэбит. Оҕобут көрсүбэтэх кыайыытын биһиги көрсүөхпүт диэн эрэл санаалаахпыт. Кыайыы туһугар туруулаһабыт!», — диэн Светлана Диодорова-Лаврентьева кэпсээтэ.
Бэҕэһээ, алтынньы 3 күнүгэр, СӨ Национальнай библиотекатын историческай саалатыгар байыаннай дьайыыга олоҕун толук уурбут Александр…
Бөлүүн Дьокуускай куоракка Можайскай уулуссаҕа суол быһылаана таҕыста. Ол түмүгэр массыына илин өттө тоҕо анньыллан,…
Арассыыйа салгынын тырааныспарын туйгуна, "За безаварийный налет 11 часов" бэлиэ кавалера, 11 сыл устата Сунтаар…
Д.К.Сивцев - Суорун Омоллоон аатынан опера уонна балет тыйаатыра «Пушкинская карта» бырагырааманы сайыннарыыга кылаатын иһин…
Чечняҕа Ахмат-Хаджи Кадыров кэриэһигэр ыытыллар норуоттар икки ардыларынааҕы турнирга 70 киилэҕэ диэри ыйааһыҥҥа Виктор Рассадин…
Дьокуускайга 202 түөлбэҕэ баар кыбартыыраҕа бэҕэһээ, алтынньы 3 күнүгэр 40 саастаах дьахтары уонна 11 саастаах…