Чурапчылар дьонноругар хортуоппуй олордон биэрэллэр

Күһүҥҥү хомуур үлэтэ бүтэн, тыа хаһаайыстыбатын оҥорон таһаарар тэрилтэлэрэ бородууксуйаларын харайан, түҥэтэн, атыылаан эрэллэр.

Бүгүн Чурапчы улууһун дьаһалтата тэрийиитинэн «Дьиэ кэргэн экэниэмикэтин сайыннарыы» улуустааҕы бырайыак чэрчитинэн урбаанньыт Д.Д. Павлов уопсайа 2 га сиргэ хортуоппуй олордон, элбэх кыбартыыралаах дьиэҕэ олорор уонна бэйэлэрин оҕуруоттарыттан мөлтөх үүнүүнү ылар 100 ыалга биэстии куулу аҕалан түҥэттэ. Хортуоппуйу урбаанньыт Данил Павлов олордор, сайын устата көрөр, харайар уонна күһүн хомуйан аҕалан сайаапкаларынан тиксэрэр диэн Чурапчы улууһун дьаһалтатын пресс-сулууспата иһитиннэрэр.

Санатан суруйдахха, Чурапчы улууһун дьаһалтата саас аайы ыаллартан хортуоппуйу үүүннэриигэ сайаапкалары хомуйар. Бүгүн Чурапчы улууһун олохтоохторо урбаанньыт Мындаҕаайыттан аҕалбыт хортуоппуйун үөрэ-көтө үллэһиннилэр.

Маннык үтүө бачыымы атын улуустар да туһаныахтарын сөп эбит.