Чурапчылар Кыайыы Знамятын таатталарга туттардылар

Бүгүн, тохсунньу 24 күнүгэр, Кыайыы Знамятын Чурапчы улууһа  таатталарга —   улуус баһылыгын э.т. Руслан Захаровка туттардылар.

— Знамя икки күн устата бары нэһилиэктэрбитин хабан сырытта. Нэһилиэктэрбитигэр олохтоохтор олус үчүгэйдик тэринэн, көхтөөхтүк көрүстүлэр.

Үүнэн эрэр көлүөнэбитигэр Знамя суолтатын, Кыайыыны уһансыбыт эһэлэрбит, эбэлэрбит тустарынан үтүө өйдөбүлү иҥэрэр дьоһун сорукпутун толордубут диэн этэбин.

Онон улууһум дьонугар-сэргэтигэр, Знамяны арыаллаан илдьэ сылдьыбыт дэлэгээссийэбэр барҕа махталбын тиэрдэбин, — диэн Чурапчы улууһун баһылыга Степан Саргыдаев иһитиннэрдэ.