Хаартыска: СИА
Бүгүн Чурапчыга үөрүүлээх быһыыга-майгыга саҥа успуорт саҥа комплекса үлэҕэ киирдэ. Түгэнинэн туһанан А.К.Софронов аатынан култуура-успуорт комплексын дириэктэрэ Михаил Михайлович Степанов санаатын маннык үллэһиннэ:
«Биһиги, чурапчылар, улуу дьоммутунан Д.П.Коркинынан, А.К.Софроновынан киэн туттабыт. Кинилэр биһиэхэ успуорт сайдыытыгар, тэнийэригэр сүҥкэн кылааттарын киллэрбиттэрэ. Чурапчы дьоно-сэргэтэ успуордунан дьарыктанар, спорду сэҥээрэр. Ол да иһин өрөспүүбүлүкэҕэ “Чурапчы – успуорт туоната”, — диэн ааттыыллара мээнэҕэ буолбатах.
Чурапчы нэһилиэгин олохтоохторо бу саала тутулларын олус долгуйа уонна эрэнэ күүппүттэрэ.
Ким баҕарар успуордунан дьарыктанарыгар маннык успуорт уораҕайа тутулларын өйөөбүт өрөспүүбүлүкэбит Ил Дарханыгар Айсен Сергеевич Николаевка, Бырабыыталыстыбабыт салалтатыгар дириҥ махталбытын тиэрдэбит.
Онон дойдубут Бэрэсидьиэнэ Владимир Путин туруорбут соругунан нэһилиэнньэ 70 % успордунан дьарыктаах буоларыгар кыах уонна усулуобуйа баар буолла диэн үөрэбит. Өссө төгүл Чурапчы үлэһит, успуорду сэҥээрэр дьонун-сэргэтин аатыттан махтанабыт.
Бу уораҕайбытыгар нэһилиэнньэ хото дьарыктаныаҕа. Холобур, киэһээ өттүгэр остуол тенниһинэн, волейболунан, баскетболунан мини-футболунан, хабылыгынан, хаамысканан, фитнес-аэробиканан дьарыктаныахтара. Нэһилиэнньэҕэ анаан эрчиллэр саала баар буолуоҕа, онно инструктор көрүөхпүт. Билигин бу тэрилтэбитин туспа муниципальнай бүддьүөт тэрилтэтэ оҥороору гынабыт, ону дьокутааттарбыт өйөөбүттэрэ. Үлэһит штата эбии көрүллүөҕэ. Онон нэһилиэнньэ туох баар араҥатын хабан дьарыктыырга үчүгэй усулуобуйа тэриллиэҕэ. Быһата, нэһилиэнньэ бэйэтэ сүүрэн-көтөн, мээчиктээн, олус сэргэхсиийэҕэ диэн эрэнэбит. Бу аһыллыы сиэрин-туомун кэнниттэн ким тугунан дьарыктаныан баҕарарын туһунан сайаапка хомуйан, анал расписание олохтонуоҕа.
Эп-эдэркээн уолаттар милиция үлэтин өрө тутан, дьон нус-хас олоҕун туһугар туруулаһа сылдьан сидьиҥ дьон илиититтэн…
Дьокуускайга “Чайковский-фест” ньиргийэ турдаҕына, “Иоланта” операҕа сылдьыбытым. Бу операҕа хараҕа суох кыыс туһунан кэпсэнэр. Аҕата-ийэтэ…
Быйылгы дьылга бастакы "Айкуо" сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт.…
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …