Бүгүн, муус устар 26 күнүгэр, дьон-сэргэ күүппүт үөрүүлээх түгэнэ буолла — «Чурапчы-Аллараа Бэстээх-Чурапчы» хайысханан сылдьар бастакы оптуобуһу, пассажирдары көрсүү үөрүүлээх тэрээһинэ Аллараа Бэстээххэ буолан ааста.
Оптуобус этиллибит бириэмэтигэр, сарсыарда 10:00 чааска оруобуна кэлэн, үөрүүлээх көрсүү Өлүөнэ өрүс үрдүгэр кэтэһэр пуун таһыгар, саха норуотун үгэһин быһыытынан Валерий Герасимов алгыһыттан саҕаланна. Ыҥырыылаах ыалдьыттар, о.э. СӨ Бырабыыталыстыбатын бэрэссэдээтэлин маҥнайгы солбуйааччы Д.Д. Садовников, СӨ тырааныспарга, суол хаһаайыстыбатыгар миниистэрэ В.М.Сивцев, Мэҥэ Хаҥалас улууһун баһылыгын маҥнайгы солбуйааччы В.В. Михайлов, ЯПАК дириэктэрэ И.Л. Сергучев, «Саха сирин тимир суоллара» тэрилтэ салайааччытын солбуйааччы В.П. Мирошник уонна Чурапчы улууһун баһылыга С.А. Саргыдаев бар дьоҥҥо-сэргэҕэ истиҥ эҕэрдэлэрин тиэртилэр.
С.А. Саргыдаев, Чурапчы улууһун баһылыга:
— Ытыктабыллаах ыалдьыттар, күндү-мааны Мэҥэ улууһун дьоно-сэргэтэ, бүгүн историяҕа киирбит «Чурапчы — Аллараа Бэстээх» маршрутунан айаннаан кэлбит ыалдьыттар, эһигини барыгытын бу бэлиэ күнүнэн Чурапчы улууһун салалтатын, тус бэйэм уонна махталлаах дьон-сэргэ аатыттан итии-истиҥ эҕэрдэбин тиэрдэбин! Кырдьык даҕаны, бу барыбытыгар олус суолталаах түгэн буолла. Былырыын күһүн Чурапчыга диэри көнө асфальт суол тэлгэнэн үөрүүбүт үгүс этэ. Онтон билигин бу асфальт суолунан дьону-сэргэни маннык курдук тупсаҕай, сымнаҕас олбохтоох оптуобустар таһыахтара. Күндү дьоммутугар сымнаҕас айаны баҕарабыт, суоппардарбытыгар куруук күөх уот умайдын!»
Түгэни туһанан, Мэҥэ Хаҥалас уонна Чурапчы улуустарыгар өр сылларга таһаарыылаахтык үлэлээбит дьоҥҥо СӨ Бырабыыталыстыбатын бэрэссэдээтэлин маҥнайгы солбуйааччыта уонна СӨ тырааныспарга уонна суол хаһаайыстыбатыгар миниистэрин ааттарыттан махтал суруктар туттарылыннылар.
«Чурапчы — Аллараа Бэстээх — Чурапчы» маршруттаах оптуобус маҥнайгы пассажир Туйаара Северьянова үөрүүтүн үллэһиннэ:
— Чурапчы дьонун-сэргэтин аатыттан, Өрөспүүбүлүкэ күнүн көрсө уонна Чурапчы нэһилиэгин 375 сыллаах үбүлүөйүн баттаһа, «Чурапчы — Аллараа Бэстээх» хайысханан оптуобус сырыытын саҕалаабытынан истиҥник эҕэрдэлиибит!
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…