Салгыы
Чурапчылар, таатталар кыраныыссаларын чуолкайдыахтара

Чурапчылар, таатталар кыраныыссаларын чуолкайдыахтара

07.12.2022, 17:31
Бөлөххө киир:

Ахсынньы 6 күнүгэр 2022 с. Саха Өрөспүүбүлүкэтин Бырабыыталыстыбатын бэрэссэдээтэлин бастакы солбуйааччы Кирилл Бычков Таатта уонна Чурапчы улуустарын кыраныыссаларын каартаҕа түһэрэргэ тахсыбыт алҕаһы чуолкайдыыр мунньаҕы ыытта.

Мунньахха Ил Түмэн ыччакка, физическэй култуураҕа уонна успуорка дьыалаларыгар сис кэмитиэтин бэрэссэдээтэлэ Михаил Гуляев, Таатта улууһун баһылыга Михаил Соров уонна Чурапчы улууһун баһылыга Степан Саргыдаев кытыннылар.
Баһылык Степан Саргыдаев 2008 с. Чурапчы уонна Таатта улуустарын икки ардыларынааҕы кыраныысса оҥоһулларыгар Росреестр управлениетын Биир кэлим судаарыстыбаннай реестрэ кадастровай үлэни ыытарыгар сири оҥоруу эбийиэктэрин туһунан дааннайдары сыыһа киллэрбитин бэлиэтээтэ. 2018 сылтан саҕалаан муниципальнай оройуоннар икки ардыларыгар кыраныыссаны чопчулуурга кэпсэтии барбыт. 2018 уонна 2022 сылларга кыраныыссаны уларытар туһунан сөбүлэһиигэ илии баттаммыт.
Икки улуус кыраныыссатын чуолкайдааһын боппуруоһугар мунньахха ылыныллыбыт боротокуол быһыытынан, 2022 сыл бэс ыйын 8 күнүгэр Таатта улууһун Кыйы сэлиэнньэтигэр сөбүлэһии түһэрсиллибит.

Оҥоһуллубут алҕастары туоратар үлэлэр түмүктэринэн маннык быһаарыллыбыт:
— Чурапчы улууһун «Арыылаах нэһилиэгэ» муниципальнай тэриллии кыраныыссата Таатта оройуонун «Игидэй нэһилиэгин» муниципальнай тэриллии кыраныыссатын быһа охсор. Быһа охсор сирин иэнэ 156,6 гаҕа тэҥнэһэр.
— Таатта оройуонун «Даайа-Аммата нэһилиэк» муниципальнай тэриллии кыраныыссата Чурапчы улууһун «Арыылаах нэһилиэгэ» муниципальнай тэриллии кыраныыссатын быһа охсор. Быһа охсор сирин иэнэ 78,1 гаҕа тэҥнэһэр.
— Таатта оройуонун «Дьүлэй нэһилиэгэ» муниципальнай тэриллии кыраныыссата Чурапчы улууһун «Кытаанах нэһилиэгэ» муниципальнай тэриллии кыраныыссатын быһа охсор. Быһа охсор сирин иэнэ 125,5 гаҕа тэҥнэһэр.
— Чурапчы улууһун «Болтоҥо нэһилиэгэ» муниципальнай тэриллии кыраныыссата Таатта оройуонун «Тыараһа нэһилиэгэ» муниципальнай тэриллии кыраныыссатын быһа охсон ааһар. Быһа охсор сирин иэнэ 587,2 га.
— Таатта оройуонун «Тыараһа нэһилиэгэ» муниципальнай тэриллии кыраныыссата Чурапчы улууһун «Болтоҥо нэһилиэгэ» муниципальнай тэриллии кыраныыссатын быһа охсор. Сирин иэнэ 76,6 гектарга тэҥнэһэр.
Ити ыйыллыбыт дааннайдарга олоҕуран «Чурапчы улууһа (оройуона)» муниципальнай тэриллии улуустар икки ардыларынааҕы кыраныыссаларын чопчулааһыҥҥа туһуламмыт үлэлэри ыытыа. Кыраныыссаны оҥорорго «Сахагипрозем» АУо-ҕа сайаапка ыытыллыбыт. Быһа барыллаан ааҕыынан, бу үлэ сыаната 4 мөл. 500 тыһ. солк. тэҥнэһэр.
Степан Анатольевич бэлиэтээбитинэн, бу кыһалҕа кыайан быһаарыллыбакка, боростуой дьон эмсэҕэлиир. Билиҥҥэ диэри итинтэн сылтаан кинилэр бэйэлэрин сирдэригэр докумуоннарын сатаан оҥорбокко сылдьаллар. Ол иһин, улуустар икки ардыларынааҕы кыраныыссаларын чопчулуурга сири оҥорууну үбүлээһин сүдү суолталааҕын тоһоҕолоон бэлиэтээтэ.
Оттон Таатта улууһун баһылыга Михаил Соров Чурапчы улууһун баһылыгын көҕүлээһинин өйүүрүн уонна кыраныыссаны чуолкайдыыр үлэҕэ 4,5 мөл. солк. ыытарын эттэ.
СӨ сиргэ сыһыаннаһыыга уонна баайга-дуолга миниистирин бастакы солбуйааччы Ньургустана Пахомова урут сокуоҥҥа кыраныыссаны ойуулаһын тиэксинэн суруллар буоллаҕына, аны сокуоҥҥа кыраныыссалар координаттарын киллэриллэр диэн тоһоҕолоон эттэ.

Муниципальнай тэриллиилэргэ кыраныыссаны олохтооһуннар 131-с №-дээх 06.10.2003 с. «Арассыыйа Федерациятыгар олохтоох бэйэни салайыныыны тэрийии уопсай тосхоллорун туһунан» сокуоҥҥа сөп түбэһиннэрэн оҥоһуллубуттар. Сири олохтооһун үлэтин түмүгүнэн сокуоҥҥа уларытыылар киллэриллиэхтэрэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
28 марта
  • -13°C
  • Ощущается: -20°Влажность: 40% Скорость ветра: 6 м/с

Сообщить об опечатке

Текст, который будет отправлен нашим редакторам: