Чыамыйыкы 10 киһилээх мобильнай этэрээтэ күүскэ оттуу сылдьар (ВИДЕО)

Мэҥэ Хаҥалас улууһун үрдүнэн бу күннэргэ уон мобильнай биригээдэ тэриллэн, Өлүөнэ өрүс арыыларынан, атын да нэһилиэктэртэн оттуур сири арыандаҕа ылан, сайын бүтэһик күннэрин былдьаһа оттуу сылдьаллар.

Ааспыт нэдиэлэ бээтинсэтигэр Мэҥэ Хаҥаластааҕы тыа хаһаайыстыбатын управлениетын начаалынньыга Иннокентий Семеновы кытта Павловскай аннынан арыыга оттуу сылдьар мобильнай биригээдэни көрсөн баран, Төхтүр алаастарыгар ыраах Чыамыйыкыттан кэлэн оттооччуларга тиийдибит.

Чыамыйыкылар биэс хаһаайыстыба кыттыһан, 10 буолан 180-ча км ыраах сиргэ кэлэн, оттоон ырааппыттар. Тыа хаһаайыстыбатын исписэлииһэ Семен Лукин хайдах-туох оттуу сылдьалларын кэпсээтэ. Быйыл дойдуларыгар өтөрүнэн хаһан буолбатах түгэн үөскээбит, от олох үүммэтэх. Кырдьаҕастар этэллэринэн, 90-с сылларга эргин маннык буолбут. Салгыы видеону көрүҥ.

Дьэ ити курдук өлгөм оту сомсор сыалтан ыраахтан кэлэн үлэлии сылдьаллара махталлаах дьыала.
Улуус үрдүнэн мобильнай биригээдэлэр үлэлэрин уонна кинилэргэ туох көмө оҥоһулларын туһунан улуустааҕы тыа хаһаайыстыбатын начаалынньыга Иннокентий Семенов билиһиннэрдэ. Салгыы видеоны көрүҥ.