Хаартыска Т.Копырина тиксэриитэ
Бу күннэргэ талыы-мааны Таатта улууhун Чычымаҕар доруобуйаларынан хааччахтаах дьоҥҥо өрөспүүбүлүкэтээҕи култуура уонна успуорт бэстибээлэ буолан ааста. Уопсайа 13 улуустан 255 кыттааччы күөн көрүстүлэр. Тэрээhин сүрүн сыалынан маассабай успуорду сайыннарыы уонна айар дьоҕуру арыйыы буолар.
Амма өрүс кытыла балааккаларынан туола түстэ. Дьэ, дьикти кэрэ айылҕалаах дойду эбит. Сардаана сибэккибит хонуу устун ыhылла үүммүтэ киhи хараҕын үөрдэр. Сыттыын-сымардыын ураты тыыннааҕа биллэр-көстөр. Мээнэҕэ буолуо дуо, хас биирдии саха, киэн туттар, чулуу суруйааччылара мантан төрөөн-үөскээн тахсыбыттара? Тулабытын туой хайалар эргийэ тураллара. Чычымах, чуолаан, Өксөкүлээх Өлөксөй уонна Эллэй төрөөбүт сирдэрэ буолар эбит. Бастакы күммүт ардахтаах, тымныы күн этэ. Иккис күммүтүгэр күүстээх холорук түhэн соhуппута. Ытык кырдьаҕас сир сөбүлээбэтэҕин биллэрдэҕэ, айдаан-куйдаан, тыас-уус буолбутун.
Сүрдээх сыралаах, сүүрүүлээх-көтүүлээх тэрээhин буолан ааста. Онон эттиин-сиинниин дуоhуйа сынньанан кэллибит. Сири-дойдуну көрөн-истэн, күрэхтэhэн, билсэн-көрсөн астынныбыт.
Дойдулаахтар ыалдьыттарын отууларын, миэстэлэрин бэлэмнээн, итии чэйдээх, эттээх мииннээх көрсүбүттэрэ. Айантан сылайбыт, тоҥмут дьоҥҥо абыраллаах этэ. Түүнү супту сэлэhэн кэрийэ сырыттыбыт. Соччото суоҕа диэн иккилии улуус биир отууга астаналлара. Буккуур тахсыбыттааҕа. Араас көрүдьүөс да түгэннэр буолбуттара. Куораттар “дэликэтиэс“ астаах буолан биэрдилэр. Ол курдук, тууhаммыт, сыалаах балыктаахтар, хаас мииннээн амсаттылар. Бэстибээлгэ алта көрүҥҥэ күрэхтэhиилэр буоллулар. Волейбол, корнхолл, дартс, оттон ытыы, дуобат, теннис дэриэбинэ иhигэр. Манна хамаандалар уустуктары көрсүбүттэрэ. Холобурун, биир киhи икки көрүҥҥэ кыттар буолан, атын көрүҥэр барарыгар-кэлэригэр ыарахаттардааҕа. Бэстибээл түмүгүнэн бастакы миэстэни Нам хамаандата, иккиhи – Таатта хамаандата, үсүһү – Уус Алдан ыллылар. Бириистэрэ дьиэҕэ-уокка, үлэҕэ-хамнаска туhалаах тэриллэр этилэр.
Түмүкпэр эттэххэ, сүрдээх сыралаах, сүүрүүлээх-көтүүлээх тэрээhин буолан ааста. Онон эттиин-сиинниин дуоhуйа сынньанан кэллибит. Сири-дойдуну көрөн-истэн, күрэхтэhэн, билсэн-көрсөн астынныбыт. Ким кыайыы-хотуу үөрүүтүттэн өрөгөйдөөн, ким хотторуу-абарыы хомолтотун билэн. Тиэрдиэм этэ кыайбыттарга эҕэрдэ улаханын, хотторбуттарга эрэли, үчүгэй бэлэмнэниини баҕарабын. Түгэнинэн туhанан, тэрийээччилэргэ махталбын тириэрдэбин.
Туйаара Копырина, Хатас.
Хаартыска Т.Копырина тиксэриилэрэ
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…