Чычымахха уонна Боробулга хочуолунайдар тутулла тураллар

Быйыл “СӨ ОДьКХ” ГУП Тааттатааҕы филиалыгар (дириэктэр В.П.Будикин) кыстыкка этэҥҥэ киирдилэр. Улуустааҕы хаһаайыстыба 31 хочуолунайа улууһу сылааһынан хааччыйар.

Быйылгы үтүө сонунунан Чычымахха уонна Боробулга механизациялаах саҥа хочуолунайдар тутулла тураллара буолар. Быйыл сэтинньи бүтүүтэ үлэҕэ киириэхтэрэ диэн үлэһиттэр эрэнэллэр. Ол курдук, билиҥҥи туругунан, Боробулга теплотрассата тардыллыбыта, Чычымахха үлэ ыытылла турар. Онон эргэ хочуолунайдар оннуларыгар саҥалар дьэндэһиэхтэрэ. Хайа, уонна үлэһиттэргэ үлэ усулуобуйата тупсуо турдаҕа.