Чымнаайылар уонна харбалаахтар отчуокка кыттыылара көхтөөх

Олунньу 10 күнүттэн Таатта улууһугар ситэриилээх былаас отчуота буола турар.

Үөрэх миниистирэ Ньургууна Соколова салайар бырабыыталыстыба бөлөҕө Чымнаайы уонна Харбалаах нэһилиэктэригэр олохтоохтору кытта көрсөн санааларын иһиттэ, кэскиллээх былааннарын билистэ.
Үгүс ыйытыы ОДьКХ, доруобуйа харыстабылын, социальнай эбийиэктэри тутуу уонна өрөмүөннээһин, аска уонна уматыкка сыана үрдээһинин, үөрэх эйгэтин, сокуоннарга туох уларыйыылар баалларын, саха тылын харыстааһын курдук суолталаах боппуруостарга туһаайылынна.
Миниистир отчуоту ыыппыт нэһилиэктэригэр үөрэх тэрилтэлэригэр сылдьан, үлэни-хамнаһы билистэ, тэрилтэлэр кыһыҥҥы кэмҥэ туруктарын көрдө-иһиттэ.