«Чыпчаал» оҕо-ыччат бэстибээлигэр 1,5 тыһыынчаттан тахса эдэр дьон муһунна

Дьокуускайга бэс ыйын 27-28 күннэригэр  ыытыллар «Чыпчаал» оҕо-ыччат бэстибээлигэр 1,5 тыһыынча оҕо — өрөспүүбүлүкэ саамай бастыҥ  айар кэлэктииптэриттэн уонна ансаамбылларыттан кыттар. Оонньуулар култуураҕа бырагыраамаларыгар 80-ча  тэрээһин киирдэ.

Ил Дархан Айсен Николаев бэлиэтээн эппитинэн, «Азия оҕолоро»  үрдүк таһымнаахтык барыахтара. Бэстибээл кыттыылаахтарын ортолоругар Муома улууһун  «Радость Тундры», Эдьигээн улууһун «Радость танца», Ньурба улууһун «Дьүҥкүүдэ кыталыктара» ансаамбыллар, ону сэргэ  Кэбээйи, Үөһээ Бүлүү, Мэҥэ Хаҥалас улуустарын уонна Дьокуускай куорат оҕо ускуустубатын дьиэтин талааннаах оҕолоро бааллар.

«Чыпчаал»  айар лаборатория бырайыага оҕолор ускуустуба араас көрүҥэр: хореографияҕа, уруһуйдуур ускуустубаҕа, вокалга, сыана уонна тыйаатыр ускуустубатыгар, уус-уран литератураҕа дэгиттэр сайдалларыгар туһуланар. Сүрүн сорук -– оҕолор талааннарын арыйарга көмөлөһүү, үөрэтии уонна өйөөһүн.

Дойду бэрэсидьиэнэ Владимир Путин бэс ыйын 18 күнүгэр Саха сиригэр кэлэ  сылдьан оҕолор талааннарын, кинилэр омуктарын култууратыгар харыстабыллаах сыһыаннарын бэлиэтээбитэ уонна  ыччаты айар дьоҕурга иитии уонна сайыннарыы иһин махтаммыта.  Владимир Путин Уһук Илин эдэр исписэлиистэрин кытары көрсүһүүгэ тыа сирдэригэр култуура аныгы дыбарыастарын тутууга Саха сирин уопутун үрдүктүк сыаналаата.