Чысхаан Саҥа дьыллааҕы харыйа уотун сандаардыыта куйаар ситиминэн — ВДНХ-ҕа

Сэтинньи 12 күнүгэр ВДНХ-ҕа Саха сирин күннэрин ыытыы чэрчитинэн «Кыһын Саха сириттэн саҕаланар»  туризм кыһыҥҥы бэстибээлин билиһиннэрии буолуоҕа.

Тэрээһиҥҥэ сүрүн дьоруойунан Тымныы хаһаайына, аан дойдуга Тымныы полюһунан аатырар  Өймөкөөн улууһун Чысхаана буолуоҕа. Кини ахсынньы 1 күнүгэр Дьокуускай куорат киин болуоссатыттан «Кыһын Саха сиритттэн саҕаланар» туризм кыһыҥҥы бэстибээлин  чэрчитинэн, Саҥа дьыллааҕы харыйа уотун-күөһүн холбоон сандаардыыта куйаар ситиминэн Москва ВДНХ көстүөҕэ.

Бэстибээли билиһиннэрии кэмигэр Арктика уонна Уһук Илин посола, арктическай блогер Богдан Булычевы кытта көрсүһүү буолуоҕа. Тэрээһиҥҥэ ыытыллар «Бэйэҕэр Саха сирин арый»  квест-оонньуу кыайыылааҕа Саха сиригэр сынньана кэлэр туристическай путевканан наҕараадаланыаҕа.

Хотугу сиргэ кыһыҥҥы туризмы кытта билсиэн баҕалаах дьону «Уһук Илин панорамата» диэн ВДНХ 75 павильонугар күүтэллэр.

Бу туһунан Урбаан министиэристибэтин ТГ-ханаала иһитиннэрэр.