Хаартыска: regnum.ru
Тымныы полюһа Өймөкөөн Тымныытын сирэйдиир икки мэҥэ бэлиэ баар – Дьыл оҕуһа уонна Чысхаан.
Тымныы мифическэй бэлиэлэрэ бэйэ-бэйэлэриттэн туох атыннаахтарын туһунан бу символлары кытта ыкса сибээстээх Өймөкөөн улууһун култуураҕа управлениетын исписэлииһэ Семен Сивцеви кытта кэпсэтинии санатан таһаарабыт.
— 1991 сыллаахха улуус дьаһалтатын салалтата Тымныыны сирэйдиир улуус мэҥэ бэлиэтин айарга куонкурус биллэрбитэ. Оччолорго мин саха былыргы үһүйээнигэр олоҕуран Тымныы бэлиэтинэн сүүнэ улахан муостаах Оҕус пааматынньыгын эскииһин оҥор-бутум. Тымныы күүһэ уонна сүрэ саха оҕуһун муо-һугар баар диэн ис хоһоонноох этэ. Үөрүөм иннигэр, “Оҕуһум” куонкуруска кыайан, Тымныы мэҥэ бэлиэтин быһыытынан пааматынньык сакаастанар буолбута. Ол эрээри билигин киэҥник биллэр Тымныы полюһун – Өймөкөөнү сирэйдиир Тымныы оҕуһун пааматынньыгын хайдах да мин ааптарскай үлэм диир кыаҕым суох. Бу — Дьокуускайтан мин эскииспиттэн олох атыннык оҥоһул-лан кэлбит Тымныы оҕуһа. Оҥоһуллубуту уларытыаҥ дуо, оннук хаалбыта.
Өбүгэ саҕаттан саха норуота кыһыҥҥы кэми Дьыл оҕуһунан билгэлиир үгэстээх. Оттон Чысхаан кэлиҥҥи кэмҥэ биллиилээх модельер-дизайнер Августина Филиппова Дьыл оҕуһуттан тирэнэн айбыт уобараһа. Бу Тымныыны сирэйдиир остуоруйа дьоруойа Саха сирин брендинэн буолла. Миигин Чысхаан оруолун толорооччу диэн буккуйаллар. Бу олох сыыһа өйдөбүл. Мин артыыс буолбатахпын, Чысхаан аатын сайыннарыыга үлэлэһэр исписэлииспин, — диэн санаатын тиэрдэр Семен Сивцев.
Саҥа дьыл саҕана Чысхаан уонна Дьыл оҕуһа саха дьонун интэриэһин ордук тардаллар. Буолумуна,Тымныы мэҥэ бэлиэлэрэ буоллахтара.
«Саха сирэ» хаһыат архыыбыттан
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…
Дьокуускай киинигэр Киров уулуссаҕа баар түүҥҥү аралдьытар тэрилтэ аттыгар түөрт киһи икки уолу кырбаабыттар. Бэрэбиэркэ…
Ил Дархан Айсен Николаев Дьокуускайга оробуочай сырыытынан кэлбит «Газпромбанк» АУ вице-бэрэсидьиэнинэн, «Үрдүк технологиялаах мэдиссиинэ көмөтө»…
СӨ Бырабыыталыстыбатын Бэрэссэдээтэлин солбуйааччы Сергей Местников, дойду Бэрэсидьиэнин Владимир Путин быһа эпиирин кэннэ, өрөспүүбүлүкэҕэ култууралар…
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллибитин туһунан…