Хаартыска: Сунтаардааҕы бэтэринээрийэ.
Сэтинньи саҥатыгар Чыычаахтары аһатар күн бэлиэтэнэр. Бу күн оскуолаларга, уһуйааннарга киэҥник бэлиэтэнэр буолан эрэр.
Сунтаар улууһун бэтэринээрийэҕэ управлениетыгар кыра кылаас оҕолоро чыычаахтары аһатар уйалары бэлэхтээтилэр. Ону таһырдьа ыйаатылар, подсолнух сиэмэтин уонна эбиэс бэчиэнньэтин уурбуттарыгар, тута татыйыктар кэлэн, аһаан бардылар. Бэтэринээр Наталья Иванова татыйык сиэмэни хахтаан баран, бэрт минньигэстик сиирин, үөрэн ыллыырын видеоҕа уһулла.
Татыйык — ырыаһыт чыычаах. Буортулаах үөннэри сиэн, туһаны аҕалар, кыһынын ыллаан үөрдэр. Татыйык кыһын аһы булара уустук. Ол иһин үөрдүһэн баран, ас көрдөөн көтөллөр, көһөллөр. Чыычаахтары аһатар сири биир бастакынан чуо булан, аһаабыта эрэ баар буолар. Кини подсолнух буспатах сиэмэлэрин, эбиэһи, тууһамматах сыаны сиирин ордук сөбүлүүр.
Чыычаахтарга арыыга ыһаарыламмыт, тууһаммыт астары, эриэхэлэри, сибиэһэй килиэби, пшено куруппаны биэрэр бобуллар.
Онон кыһыҥҥы тымныы күннэргэ чыычаахтары аһатыҥ, айылҕа оҕолоругар көмөлөһүҥ! Оҕолоргут, сиэннэргит чыычаахтары кэтээн көрөллөрө кинилэр сайдыыларыгар, амарах киһи буола улааталларыгар олус туһалаах.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…