Чүүйэлэр кырдьаҕастарыгар идэһэ этиттэн амсаттылар

Чүүйэлэр кырдьаҕастарыгар идэһэ этиттэн амсаттылар

16.11.2022, 18:44
Бөлөххө киир:

Былыр былыргыттан саха ыала үтүө үгэстээх – бастакы идэһэ этиттэн, иһиттэн амсатан, ыалларын үөрдүү.

Бу бэртээхэй үгэһи Мэҥэ Хаҥалас Чүүйэтигэр анаан төнүннэрбиттэрин туһунан улуус Ытык Сүбэтин салайааччыта Зиновий Игнатьев кэпсээтэ:

Саха дьонун үтүө үгэспит умнуллан хаалбакка, саҥалыы тыыннанан сайдан иһэрин Чүүйэҕэ көрдөрдүлэр. Бэртээхэй тэрээһиҥҥэ сылдьан, дууһалыын сынньанан, сырдаан, үөрэн кэллим.

Ол курдук, култуура дьиэтин дириэктэрэ Саргылана Атласова уонна «Саһарҕа» түөлбэ салайааччыта Галина Константинова Ийэ сылын чэрчитинэн «Ийэлэрбит үтүө үгэстэрин утумнаан, кэһии бэрсиитэ, үтүө санаа саламата» диэн аахсыйа тэрийбиттэр.  Мин бу тэрээһиҥҥэ кыттыһан, ыалларынан сылдьар дьолго тигистим. Бастакынан «Сардаҥа» түөлбэ олохтооҕо Татьяна Осиповаҕа кэһиилээх тиийдибит.  Сибиэһэй убаһа ойоҕоһо, Галина бэйэтэ астаабыт барыанньата, ону таһынан ыалтан ыалга бэлэхтиэхтээх  «Үтүө санаа саламата” кэһии быһыытынан кэлэн, дьиэ хаһаайкатын үөртэ. Бу күн эмиэ сибиэһэй идэһэ аһын туппут  Надежда Нестерова «бэрт тэрээһин, урукку үгэс эрээри, саҥалыы тэриллибит сүүрээн, кырдьаҕастары соһуччу үөртүлэр, ирэ -хоро кэпсэппэтэх да ырааппыт, кэлбит кэһиини, дьэ, быргыччы буһарыахпыт да буоллаҕа… — диэн үөрүүтүн үллэһиннэ.

Бу маннык аахсыйаны бастаан павловскайдар тэрийэргэ санаммыттар эбит. Үтүө бачыымы истэ охсон, салгыы чүүйэлэр өйөөтүлэр. Саргылаана Атласова “бу саламаларбыт 4 түөлбэ ыалын кэрийэн кэлэн, кулууппутугар сэтинньи 19 күнүгэр бииргэ тиһиллиэ” диэн санаатын үллэһиннэ.

«Ойуурдаах куобах — охтубат, дьонноох киһи — тутайбат» диэн өбүгэбит өс хоһооно мээнэҕэ этиллибэтэҕин, Чүүйэҕэ көрөн итэҕэйдим. Сыстыганнаах дьаҥ иннинэ ыал ыалынан сылдьыһар да этибит. Онтон икки  сылы быһа дьиэҕэ хатанан олорбуппут.  Ол кэм ааһан, бэйэ-бэйэҕэ куттаммакка ыалдьыттааһын салҕана турдун!

Лента
Салгыы
9 декабря
  • -37°C
  • Ощущается: -44°Влажность: 66% Скорость ветра: 3 м/с