Чүүйэҕэ Оҕо саас сылыгар — «Дьөһөгөй оҕото»

Share

Саха киһитэ барахсан күн уһаан, халлаан сылыйан, таһырдьаттан киирбэт кэмэ кэллэ.

Бу үтүөкэннээх кэми туһанан, Саха сиригэр Оҕо саас сылыгар Дьөһөгөй Айыы ыйынан сибээстээн Ходоро нэһилиэгэр Чүүйэҕэ Марфа Данилова -Хатын Ай аатынан култуура киинин дириэктэрэ Саргылана Атласова, тэрийээччи Галина Константинова кырачааннарга уонна оскуола оҕолоругар анаан үс түһүмэхтээх «Дьөһөгөй оҕото» диэн тэрээһини ыыттылар.

Бастакы уонна иккис түһүмэхтэр кулун тутар саҥатыгар саха балаҕаныгар»Чэчир» уһуйаан орто, бэлэмнэнии бөлөх оҕолоругар  уонна В.В. Скрябин аатынан орто оскуола алын сүһүөх кылаас үөрэнээччилэригэр анаммыта.

Бу  күннэргэ үһүс түһүмэх — үрдүкү кылаас үөрэнээччилэригэр анаммыт «Дьөһөгөй оҕото» тэрээһин Эбэҕэ ыытылынна.

Аал уоту оттон, Дьөһөгөй Айыыга хайыһыы сиэрин-туомун толорон, Ийэ айылҕабытыгар алгыс ыыттыбыт.

«Ходоро нэһилиэгэ» тыа сирин түөлбэтин баһылыга Виктор Федоров  оҕолорбутугар,  тэрээһиҥҥэ мустубут бар дьону «Дьөһөгөй оҕото» тэрээһин ис суолтатын арыйан, ыччаты иитиигэ сүҥкэн суолтатын бэлиэтээтэ.

Нэһилиэк  чулуу үлэһитэ, сылгыһыт Андрей  Михайлов сыарҕалаах  уонна ыҥыырдаммыт аттары аҕалан, уолаттары ыҥыырдыырга, үүнүн кэтэрдиигэ күрэхтэһии тэрийдэ.

Уолаттар биирдии кыыстаах икки хамаандаҕа хайдыһан, тыҥааһыннаах күөн көрсүү буолла. Манна салааска оннугар аныгы үрүллэр тэрилинэн суумка илдьэн биэрии, туут хайыһарынан сүүрүү курдук көрүҥнэр киирдилэр.  Туһугар, бэйэтэ элбэх «ыалдьааччылардаах» күрэх ааста. Күрэхтэһии кыайыылаахтара сэмэй бэлэхтэринэн бэлиэтэннилэр.

Ийэ айылҕаҕа сылдьан, итии чэй иһэн, сылаас миин иһэн, алгыс ылынан оҕолорбут бэркэ үөрэн-көтөн тарҕастылар.

Ити курдук, өбүгэ үтүө үгэһин, оонньуутун Ходоро нэһилиэгин кулуубун үлэһиттэрэ кыраачааннарбытыгар уһуйаантан саҕалаан ыччат дьоҥҥо билиһиннэрэн сыһыараллара хайҕаллаах суол.

Зиновий ИГНАТЬЕВ,

«Саха сирэ» хаһыат» уопсастыбаннай кэрэспэдьиэнэ. 

Recent Posts

  • Байыаннай эпэрээссийэ
  • Сонуннар
  • Уопсастыба

Намҥа байыаннай дьайыы бэтэрээннэригэр корнхолга турнир ыытылынна

Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…

17 минут ago
  • Сонуннар
  • Уопсастыба

Улуустар икки ардыларынааҕы оптуобус сырыыта тохтотулунна

Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар  муниципалитеттар икки ардыларынааҕы оптуобус сырыыта быстах…

47 минут ago
  • Сонуннар
  • Уопсастыба

«Буратино» саҥа киинэ прокаттан 1,5 млрд солк. хомуйда

«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…

1 час ago
  • Интэриэһинэй
  • Сонуннар

КЭПСЭЭННЭ ИСТИЭҔИҤ: «Тайах оҕото» (аудио)

sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы  Ангелина Васильева-Дайыына  "Тайах оҕото"…

2 часа ago
  • Сонуннар
  • Уопсастыба

Саха сиригэр эми-тому атыылаһыыга көдьүүһүн үрдэтэргэ саҥа ньымалары киллэрэллэр

Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…

3 часа ago
  • Сонуннар
  • Уопсастыба

Полицейскайдар тыаҕа муммут уонна суолга хаайтарбыт ыалы быыһаабыттар

Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…

3 часа ago