Суут бириистэптэрин федеральнай сулууспатын Саха сиринээҕи управлениета быстах байыаннай хомуурга барбыт дьоҥҥо сыһыаннаах 2,5 тыһ. тахса дьыаланы тохтотто.
Ол туһунан бүгүн Суут бириистэптэрин федеральнай сулууспатын Саха сиринээҕи управлениетын салайааччытын эбээһинэһин толорооччу, ис сулууспа подполковнига Наталья Григорьева брифиҥҥэ иһитиннэрдэ.
«Анал байыаннай дьайыыга мобилизацияланан барбыт дьону өйүүр сыаллаах сайабылыанньа киирдэҕинэ, Суут бириистэптэрин федеральнай сулууспата дьыаланы барытын тохтотор. Мобилизацияламмыт киһи чугас аймахтара (кэргэнэ, сокуоннай саастарын ситэ илик оҕолоро эбэтэр кини көрүүтүгэр-харайыытыгар сылдьыбыт дьон) кирэдьииттэрин төлөбүрүн ирдэһиигэ эрэ дьыаланы тохтотор туһунан сайабылыанньа биэриэхтэрин сөп», – диэн Наталья Григорьева бэлиэтээтэ.
Билиҥҥитэ Суут бириистэптэрин федеральнай сулууспатын Саха сиринээҕи управлениетыгар мобилизацияламмыт дьонтон 800 сайабылыанньа киирбит.
Санатан эттэххэ, иэс баарын-суоҕун Суут бириистэптэрин федеральнай сулууспатын Саха сиринээҕи управлениетын саайтыгар r14.fssp.gov.ru.киирэн бэрэбиэркэлиэххитин сөп. Суут бириистэбигэр «Интернет-приемная ФССП России» сервис эбэтэр Госуслуги порталын нөҥүө «Обратиться в ФССП» киирэн ыйытыы биэриэххин сөп. Оттон https://r14.fssp.gov.ru/fssponli сигэнэн киирэн «Запись на личный прием» диэни баттаан приемҥа суруттарыахха сөп. Итини таһынан күн аайы бэнидиэнньиктэн чэппиэргэ диэри 09:00-18:00, бээтинсэҕэ 09:00-16:30 (тохтобула 12:30-14:00) диэри 8(4112) 31-96-97 төлөпүөнүнэн эрийиэххитин сөп.
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…