Cүбэһит: үүнээйи эйгэтигэр

Петуния иккис-үһүс сэбирдэхтэрэ таҕыстылар да кыаҕын ылар, туохха да хотторбот. Ол эрээри, олордон баран аһара элбэх ууну куттахха, арассаада наһаа уһаан-синньээн, абына-табына сэбирдэхтээх буолар.

Оннук түбэлтэҕэ төбөтүн, саҥа сибэкки үнүгэһэ  тахсаары гыммытын, быһа тутабын. Ойоҕос лабааларыттан биир эмэ салаа уһулу ойон тахсан, уһаан киирэн бардаҕына, ол салаа төбөтүн эмиэ быһабын. Оччоҕуна төкүнүччү үүнүөҕэ.

Наһаа эрдэ олордуллан, эбэтэр сырдыга, аһа тиийбэккэ, унньулуччу түһэн хаалбыт  петунияны аһыммакка, биир тэҥ кылгас гына лэппэччи кырыйабын. Мин хойуу гына буорга баттааччыбын, биир-икки умнаһы буолбакка. Сайын Дьокуускай куорат болуоссатыгар чуолаан бу сибэккини олордоллор.

Е.Гаврильева-Сибэкки Дуунньа «Үрдүк үүнүү кистэлэҥэ» кинигэтиттэн.

«Айар» кинигэ кыһата, 2023 с.