Cүүмэрдиир пууннар БПЛА подразделениеларыгар сулууспалыырга ыҥыраллар

Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү күҥҥэ пилота суох көтөр авиация подразделениеларыгар гражданнар ирдэнэллэр. Бу туһунан Дьокуускайдааҕы сүүмэрдиир пууҥҥа иһитиннэрдилэр.

Сүүмэрдиир пууҥҥа пилота суох көтөр тиһиктэр подразделениеларыгар баҕалаах хандьыдааттарга ирдэбиллэри санаттылар:

• сааһынан – 18-тан 45-гэр диэри саастаах (FPV-дрон оператордарыгар 18-тан 35-гэр диэри);
• доруобуйатынан сөптөөх – «А» эбэтэр «Б» категориялаах;
• үөрэҕинэн – авиационнай персоналга (үрдүк эбэтэр орто анал); сөмөлүөт тииптээх БПЛА комплекстары үлэлэтэр исписэлиистэргэ (үрдүк, орто анал эбэтэр орто уопсай); коптер тииптээх БПЛА-ны, коптер уонна сөмөлүөт тииптээх FPV-дроннары үлэлэтэр исписэлиистэргэ (үрдүк, орто анал, орто уопсай эбэтэр сүрүн уопсай);
• профессиональнай-психологическай талыынан – профессиональнай-психологическай сөптөөх буолуу иккис категориятыттан намыһаҕа суох;
• эти-сиини бэлэмнээҕин таһымынан – «сөп» диэнтэн намыһаҕа суох.

БПЛА оператордарыгар эбии ирдэбиллэр:

• үчүгэйдик сайдыбыт вестибулярнай аппараттаах уонна илии имигэс моториката сайдыбыт буолуохтаах.

Тэҥ усулуобуйаҕа ордук болҕомто дрон пилоттарыгар, киберспортсменнарга, авиамоделистарга, программистарга, радиотехниктарга, автомеханиктарга, ону тэҥэ көмпүүтэр оонньууларынан үлүһүйэр дьоҥҥо ууруллар.

РФ Сэбилэниилээх Күүстэрин пилота суох системаларыгар хантараагынан байыаннай сулууспаны ааһар сүрүн ураты усулуобуйаларынан сылтан итэҕэһэ суох болдьоххо анал хантараак түһэрсиллэрэ буолар, онно эбии усулуобуйалар киирэллэр:

• саҥа хантараак түһэрсэр баҕата суох буоллаҕына, хантараак болдьоҕо бүтээтин кытта байыаннай сулууспаттан уурайыы мэктиэлэнэр;
• байыаннай сулууспаны пилота суох тиһиктэргэ эрэ ааһыы;
• ирдэбилгэ сөп түбэһэр уонна пилот суох авиация подразделениеларыгар байыаннай дуоһунастарга ананарга сөбүлэспит байыаннай сулууспалаахтары атын подразделениеларга атын дуоһунастарга ыытар бобуллар;
• РФ Оборуонатын министиэристибэтин үөрэтэр ситимигэр икки ый устата пилота суох системалар исписэлиистэрин анал бэлэмнээһин бырагырааматынан булгуччулаах үөрэҕи ааһыы.

Ону тэҥэ гражданнары РФ Сэбилэниилээх Күүстэрин пилота суох тиһиктэргэ хантараагынан байыаннай сулууспаҕа киирэргэ көҕүлүүр миэрэлэр бааллар. РФ  Бэрэсидьиэнин 2024 сыл от ыйын 31 күнүнээҕи 644 №-дээх Ыйааҕынан байыаннай дьайыы соруктарын толорорго биир сылтан уһун болдьоххо байыаннай сулууспаны ааһыыга хантараак түһэрсибит дьоҥҥо:

• 400 тыһыынча солкуобай кээмэйдээх федеральнай биирдэ бэриллэр харчынан төлөбүр;
• Саха Өрөспүүбүлүкэтиттэн 1 800 000 солкуобай кээмэйдээх эрэгийиэннээҕи биирдэ бэриллэр харчынан төлөбүр;
• Саха Өрөспүүбүлүкэтин оройуоннарыттан 400 тыһыынча солкуобайтан саҕалаан муниципальнай биирдэ бэриллэр харчынан төлөбүр;
• Пилота суох тиһиктэр исписэлиистэригэр байыаннай дуоһунас окладтарыгар байыаннай сулууспа ураты усулуобуйатын иһин 300% кээмэйдээх ыйдааҕы эбии төлөбүр олохтонор;
• судаарыстыбаннай наҕараадаларынан уонна биэдэмистибэннэй бэлиэлэринэн наҕараадалааһын;
• пилота суох тиһиктэргэ байыаннай сулууспаны ааһыыга хантараак түһэрсибит гражданскай үрдүк уонна орто анал үөрэх кыһаларын устудьуоннарыгар академическай уоппусканы биэрии;
• үөрэх араас таһымнарын (магистратура уонна аспирантура) ыларга үрдүк үөрэх кыһаларыгар куонкуруһа суох бүддьүөт миэстэтигэр киирии;
• хантараагынан байыаннай сулууспа бүтүөр диэри үлэ миэстэтэ харыстанар.

Дьокуускай, Нерюнгри уонна Мииринэй куораттарга Сүүмэрдиир пууннар өрөбүлэ суох 09:00-тан 18:00-га диэри үлэлииллэр: Дьокуускайга – Чепалов уул., 23 дь. уонна Сэргэлээхтиир шоссе 11 км, 1; Нерюнгрига – Чурапчинская уул., 33, 3 куорпус; Мииринэйгэ – 40 лет Октября уул., 26. Ону таһынан олорор сиринэн байыаннай комиссариакка уонна дьаһалтаҕа билсиэххэ сөп.

Бэйэҕитигэр илдьэ кэлэргитигэр наада: пааспар, СНИЛС, ИНН, үөрэх туһунан докумуон, байыаннай билиэт, ыал буолуу уонна оҕо төрөөбүтн туоһулуур  сибидиэтилистибэлэр (баар буоллаҕына).

Эбии информацияны  Сүүмэрдиир киинэргэ, байыаннай комиссариакка эбэтэр саайтка билсиэххэ сөп: яконтракт14.рф, ону кытта билсэр төл.: 8 (4112) 32-10-40, 8 (924) 166-13-93 .