«Церковь и казачество- форпост Отечества» диэн сэминээр буолла

Хабаровскайга Уһук Илиҥҥи «Церковь и казачество — форпост Отечества» диэн сэминээр ыытылынна.

Бастакы Уһук Илиҥҥи сэминээргэ дуохуобунай, сиэр-майгы өттүнэн бастыҥ үгэстэри үйэтитиигэ анаммыт сэминээр ыытылынна. Манна казак ыччатын хамсааһына, казак уопсастыбаларын бөҕөргөтүү уонна Уһук Илиҥҥи федеральнай уокурукка киниллэр уопсастыбаннай-бэлитиичэскэй олоххо кыттыыларын кэпсэтистилэр.

Уссурийскайдааҕы войсковой казак уопсастыбатыттан байыаннай дьайыыга 700 казак кытта сылдьарын бэлиэтээтилэр. 268 казак судаарыстыбаннай наҕараадаҕа тиксибиттэр.

Тэрээһиҥҥэ РПЦ Синодальнай кэмитиэтэ, Хабаровскай кыраай бырабыыталыстыбата, Саха сириттэн атаманнар, казактар, Камчатка, Сахалин, Приморскай, Хабаровскай кыраайдар, Амурскай, Магаданскай, Еврейскэй автономнай уобаластар кыттыыны ыллылар.

Бу кэмҥэ Хабровскайга Атаманнар Сэбиэттэрин уонна УВКО Большой круг тэрилиннэ.