Цифровой алмаас: Судаарыстыбаннай пабликтар саҥалыы сыдьаайыахтара

Бүгүн «Цифровой алмаас» пуорум чэрчитинэн «Лаборатория госпабликов: погружение в будущее» сиэссийэҕэ судаарыстыбаннай пабликтар үлэлэрин, сайдыыларын ырыттылар, маастар-кылаас ыыттылар.

Эспиэрдэр судаарыстыбаннай пабликтарга боростуой ааҕааччы тугу көрүөн, ааҕыан баҕарарын туһунан кэпсээтилэр. Дьон үгүстүк анал тиэрминнэринэн, тылларынан суруллубут тиэкистэри, иһитиннэриилэри, сонуннары ыарырҕатар, ол оннугар киһини угуйар дьэрэкээн өҥнөөх хаачыстыбалаахтык оҥоһуллубут инфографика ордугун бэлиэтээтилэр.

Сиэссийэ кыттыылаахтара судаарыстыбаннай пабликтарга туох кыаллыбатын, итэҕэстэрин, сөптөөх хайысханы дьүүллэстилэр. Тэрээһин түмүгэр судаарыстыбаннай пабликтар контеннарын хаачыстыбатын хайдах тупсарар, пабликтар администатордарын таһымнарын үрдэтии, социальнай ситимнэри хайдах көдьүүстээхтик туттар туһунан кэпсэттилэр, уопуттарын атастастылар.

Сиэссийэ түмүгэр СӨ Баһылыгын уонна Бырабыыталыстыбатын дьаһалтатын салайааччыта Георгий Михайлов үһүс «Цифровой алмаас» госпабликтарын сиэссийэтин кыттыылаахтарын эҕэрдэлээтэ, бастыҥ пабликтаах тэрилтэлэргэ наҕараадалары туттартаата.

«Үс сыл анараа өттүгэр Госпабликтар лабораторияларын тэрийэрбитигэр ким даҕаны итэҕэйбэтэҕэ маннык кэҥиэн, сайдыан диэн. Билигин сөптөөх хайысханы тэрийбиппит көһүннэ, судаарыстыбаннай пабликтар элбээн, көдьүүстэрэ улаатан иһэр», — диэн бэлиэтээтэ кини.