«Цифровой алмаас» үһүс пуорум үлэтэ саҕаланна

Share

Бүгүн Дьокуускайга “Цифровой алмаас” үһүс федеральнай пуорум үлэтин саҕалаата. Тэрээһин сүрүн тиэмэтинэн дойду сайдыытын сүрүннүүр эрэгийиэннэр цифровой трансформациялара буолар.

Тэрээһин бастакы күнэ «Цифровой алмаас» федеральнай пуорум аһыллыытынан саҕаланна. Ил Дархан Айсен Николаев эҕэрдэ тыл этэригэр СӨ Бастакы Бэрэсидьиэнэ Михаил Николаев төрөөбүт күнүн, сэтинньи 13 күнүн, Инновация күнүнэн биллэрбитин иһитиннэрдэ.

Айсен Николаев олус элбэх ыалдьыт биһиги эрэгийиэммитигэр уопут атастаһа кэлбитин бэлиэтээтэ. «Төһөнөн ситиһиилэрбитин, үөрүйэхпитин хардарыта атастаһабыт, соччонон дойдубут кыаҕыран, өрөспүүбүлүкэбит цифровой сайдыыта кэҥээн иһиэҕэ«,- диэтэ кини.
Тэрээһин биир бэлиэ түгэнинэн Арассыыйа Дьоруойа, космонавт Олег Артемьев космоска тиийэ сылдьыбыт «Кындыкаан» куукуланы төттөрү дойдутугар аҕалбыта буолла.  «Маннык цифровой пуорумнар ыытыллаллара олус наадалаах. Биһиги космическай станциябыт барыта цифровой. Онон кэскиллээх дьыаланан дьарыктанаҕыт«, — диэтэ космонавт.

Пуорумҥа Карелия Өрөспүүбүлүкэтин дьаһалтатын информатизацияҕа управляющайа Дмитрий Маринов кэлбит. «Саха сирэ инновационнай үлэлэринэн аатырар. Онон уопут атастаһа диэн кэллибит. Пуорумҥа цифровой трансформация, цифровизация хайысхаларынан үлэлиэм, ИТ хампаанньалары кытта билсиэм«,- диэтэ.

Салгыы кэлбит ыалдьыттарга «Цифровой алмаас» быыстапка кыттыылаахтара бэйэлэрин үлэлэрин билиһиннэрдилэр.

Ааптар хаартыскаларга түһэриитэ

Recent Posts

  • Култуура
  • Сонуннар

Ханна да саһа сытар талааннар бааллар

Хайа да сиргэ бааллар ээ -- кистэнэ сылдьар иэйиилээх, саһа сытар талааннаах дьон. Кинилэр тиийэн…

4 минуты ago
  • Бэрээдэк
  • Сонуннар

Түөкүттэр Нерюнгри үс олохтооҕуттан мөлүйүөнүнэн харчыны албыннаан ылбыттар

Нерюнгри улууһун 38 саастаах эр киһитэ куйаар ситимигэр биир кыыһы кытары билсибит. Кыыс инвестициянан дьарыктанарын…

26 минут ago
  • Сонуннар
  • Сүбэһит
  • Чэгиэн

Дьаҥҥа сыстыбат туһугар күн ахсын бу чэйи ис

Кытай мэдиссиинэтин Шеньян университетын учуонайдара быһаарбыттарынан, дьаҥ-дьаһах кэмигэр битэмииннээх оттортон оҥоһуллубут чэй көмөлөһөр. Ол курдук…

40 минут ago
  • Сонуннар
  • Үөрэх

Элгээйи орто оскуолатын 150 сыллаах үбүлүөйүн көрсө

Олоҥхо дойдута Сунтаарбыт биир кэрэ айылҕалаах, уйгу-быйаҥ сирдээх, былыр-былыргыттан саха дьоно ууһаан-тэнийэн үөскээбит, олох уустук,…

1 час ago
  • Итэҕэл
  • Сонуннар

Кыһыҥҥы билгэлэр

Өбүгэлэрбит тулалыыр айылҕа уратытын, халлаан эттиктэрин, кыыллар быһыыларын таба көрөн, күнү-дьылы билгэлиир этилэр. Кыһын туһунан…

1 час ago
  • Сонуннар
  • Уопсастыба

Пуорум иитинэн быыстапка буолуоҕа

Бүгүн, алтынньы 25 күнүгэр, Аллараа Бэстээххэ тимир суолунан Арассыыйа байыаннайдара байыаннай эпэрээссийэ кэмигэр былдьаабыт 5…

2 часа ago