«Цифровой Алмаз» IV федеральнай пуорумҥа регистрация саҕаланна

Сэтинньи 27 — 29  күннэригэр Дьокуускай куорат Арассыыйа  цифровой трансформациятын киининэн буолуоҕа.

Өрөспүүбүлүкэ киинигэр  ИТ-индустрия лиидэрдэрэ, биисинэс, наука уонна  былаас бэрэстэбиитэллэрэ түмсэн, дойду цифровой сайдыытын  хайысхатын быһаарсыахтара.

Быйылгы сыл кылаабынай тиэмэтэ  — сибээс. Манна сибээс, инфраструктура уонна  цифровай быһаарыылар бигэ туруктаах сайдыы тирэҕэ буолалларын туһунан  кэпсэтиэхтэрэ.

«Цифровой Алмаз»  пуорумҥа бу сылларга 70 эрэгийиэнтэн 7 000 кыттааччы, 100+ партнёр, 320 спикер кытынна, 98 тэрээһин 12 былаһааккаҕа ыытылынна. 39 сөбүлэһии баттанна.

Быйылгы пуорум бырагырааматыгар маастар-кылаастар, инновационнай бырайыактар презентациялара буолуохтара.

Регистрация —  цифровойалмаз.рф саайтка.