«Цифровой алмаз» пуорум ыытыллар күннэрэ билиннилэр

Дьокуускайга “Цифровой алмаз” пуорум ыытыллыытын туһунан кэпсэттилэр.

Арассыыйа цифровой сайдыыга, сибээскэ уонна маассабай коммуникацияҕа салайааччыта Максут Шадаев уонна Ил Дархан Айсен Николаев көрүстүлэр. “Цифровой алмаз” пуорум сэтинньи 25-26 күннэригэр Дьокуускайга ыытыллыаҕа. Манна РФ министиэристибэлэрэ, биэдэмистибэлэр, эрэгийиэннэр салайааччылара, бөдөҥ IT хампаанньалар кэлиэхтэрэ. Маны сэргэ, көрсүһүүгэ “Синергия Арктики” бырайыак туһунан эмиэ кэпсэттилэр. Бэлиэтээн эттэххэ, 2025 сыл бүтүөр диэри бары арктическай оройоуннар түргэн интэриниэккэ холбонуохтара. Бу бырайыак үлэтэ эһиилгиттэн саҕаланыа. Онон бары арктическай улуустар түргэн интэриниэттэниэхтэрэ, суотабай сибээс тупсуоҕа.