«Цифровой алмаз» пуорумҥа 2000-ттан тахса кыттааччы түмсүөҕэ

Үһүс төгүлүн ыытыллар «Цифровой алмаз» федеральнай пуорум тэрийэээччилэрэ Арассыыйа 70 эрэгийиэниттэн 2000-ттан тахса кыттааччы кэлэрин күүтэллэр. Итиэннэ Кытайтан, Индияттан, Казахстантан уонна Узбекистантан кытталларын бигэргэппиттэр. Пуорум бырагырааматыгар IT индустрия исписэлиистэригэр уонна эспиэрдэригэр анаан 40-ча тэрээһини бэлэмнииллэр диэн СӨ Ил дарханын уонна Бырабыыталыстыбатын дьаһалтатын пресс-сулууспата иһитиннэрэр.

Дьыалабыай бырагыраама түөрт хайысхалаах: «Цифровое и инновационное развитие», «Цифровой контент», «Безопасность и телекоммуникации», «Образовательные технологии». Пуорум бэбиэскэтигэр  цифровой контент сайдыытын инникитин, эрэгийиэннээҕи киинэ, хампаанньалар  IPO-ҕа тахсыыларын, пилота суох авиационнай систиэмэлэри олоххо киллэрии тула буолуоҕа.

Спикердэринэн уонна эспиэрдэринэн федеральнай, эрэгийиэннээҕи былаас уорганнарын, дойду инники күөҥҥэ сылдьар хампаанньаларын бэрэстэбиитэллэрэ, ол иһигэр СБЕР, InfoWatch, Яндекс, ОККО, Группа Астра, Гринатом, Positive Technologies, АЛРОСА, Нордголд уо.д.а. топ-менеджердэрэ буолуохтара.

Пуорум Дьокуускайга сэтинньи 12-13 күннэригэр ыытыллыаҕа. Сиһилии бырагырааманы манна көрүҥ: https://цифровойалмаз.рф/