«Цифровой быһаарыылар» сүрүн IT-пуорум дьыалабыай бырагыраамата таҕыста

«Цифровой быһаарыылар» сыл сүрүн IT-пуорумугар 4000-тан тахса киһи суруйтарда.

Пуорум сэтинньи 12-15 күннэригэр «Арассыыйа» национальнай кииҥҥэ «Дааннайдар экэниэмикэлэрэ» национальнай бырайыак көмөтүнэн ыытыллыаҕа.
Кыттааччылар салаа лиидэрдэрин презентацияларын, сиэссийэлэри, маастар-кылаастары, улахан технологическай быыстапканы уонна сулустар кэнсиэртэрин күүтэллэр. 100-тэн тахса сиэссийэ буолара былааннанар, онно 600-тэн тахса спикер — биисинэс уонна судаарыстыба бэрэстэбиитэллэрэ кыттыахтара.
Пуорум сүрүн хайысхалара: сибээс уонна телеком, судаарыстыбаннай өҥөлөр, софт, оҥоһуу өй, Арассыыйа “тимирэ”, платформалар уонна өҥөлөр, кибер-куттал суох буолуута, каадырдар уонна үөрэтии. Сессияларга киирэллэр: «Оҥоһуу өй үйэтигэр кибер-куттал суох буолуутун инникитэ», «Платформа биометрията: цифровой идентификация онлайн атыыны хайдах уларытыаҕай», “ИТ уонна информатика үөрэҕэр хайысхалар уонна инновациялар” уо.д.а.
Пуорум официальнай саайта: форумцифровыерешения.рф