«Цифровой психолог». Саҥа онлайн-сиэрбис арылынна

Саҥа арыллыбыт “Цифровой психолог” онлайн-сиэрбис көмөтүнэн уйулҕа исписэлиистэриттэн, кинилэргэ кэлбэккэ эрэ,  ыраахтан олорон сүбэ-ама ылыахха сөп.

Онлайн-сиэрбис төрөппүттэргэ уонна үөрэнээччилэр сокуонунан көрүллүбүт бэрэстэбиитэллэригэр ананар. Инникитин оҕолор бэйэлэрэ эмиэ киирэр кыахтаныахтара.  Сиэрбис үлэтэ үөрэх систиэмэтин чэрчитинэн таһымнаах көмөнү оҥорорго хайысхаланар.

Консультацияҕа суруйтарарга https://psy.edu.ru сигэҕэ киирэн исписэлииһи талыллар. Сиэрбис үлэтигэр үөрэх тэрилтэлэрин уонна анал кииннэр учууталлара, психологтара: педагог-психологтар, социальнай педагогтар, психолого-педагогическай, мэдиссиинэ уонна социальнай көмө кииннэрин исписэлиистэрэ, ону сэргэ логопед-учууталлар, дефектологтар кытталлар.

СӨ Ил Дарханын уонна бырабыыталыстыбатын пресс-сулууспата