Егор Карпов хаартыскаҕа түһэриитэ
“Цифровой алмаз” пуорум чэрчитинэн, Саха сиригэр баар сүүрээннэр тыын кыһалҕаларыгар быһаарыы көрдөөһүн үлэтэ ыытыллар. Пуорум биир сүрүн хайысхата “Цифровой контент” трек диэн ааттанар.
Манна бүгүн олохтоох киинэни уонна анимацияны эрэгийиэн таһыгар таһаарыы боппуруостарыгар хоруй көрдүүр үлэ ыытылынна. “Эрэгийиэн киинэтэ: хайдах сайыннарарбыт уонна экспортка таһаарабыт?” диэн ааттаах стратегическай сиэссийэ бэрт сонуннук саҥа форматынан ыытылынна. “Үлэ кыбаартала” кластер лекторийыгар мустубут ыалдьыттар үс бөлөххө хайдыһан, тута стратегиялары бэлэмнээтилэр, көмүскээтилэр.
Тэрээһин салайааччыта, «Open» идэтийбит компетенциялар уонна квалификациялар институтун дириэктэрэ Майя Курнева бу үлэ туһунан маннык быһаарар:
—Бу үлэ, бастатан туран, Саха сирин киинэтин биир ордук сытыытык турар боппуруоһун – киинэни тас эригийиэннэргэ ситиһиилээхтик таһаарыыны хайдах сайыннарыахха сөбүн ырытыы тула ыытыллар. Бу формат “форсайт сиэссийэ” диэн аатырар, билгэлээһиннэри оҥорууга олоҕурар. Бөлөхтөр бастаан аныгы кэмҥэ баар ньымаларын түмэр, онтон эрэгийиэн бу билиилэри туһанан бэйэ бородууксуйатын тас таһаарыыга хайдах көмөлөһүөхтэрин сөбүн билгэлээн стратегия таҥаллар. Иккис түһүмэххэ мэһэйдэри туоратыы ньымаларын өйдөөһүн үлэтэ барыа. Уопсай үлэ түмүгүнэн, үс былаан таҥыллыахтаах. Бөлөхтөр бэйэ бэйэлэрин кытта күрэхтэспэттэр, бары биир соругу ситиһэргэ үлэлииллэр.
Кыттааччылар алталыы-сэттэлии киһи буолан түмсэн үлэлээтилэр. Бөлөхтөргө билигин Саха киинэтигэр үлэлии сылдьар дьону кытта Арассыыйа эрэгийиэннэриттэн кэлбит исписэлиистэр кытыннылар. Кинилэр истэригэр продюсер Сардаана Саввина, режиссердар Никандр Федоров, Дмитрий Кольцов, Алексей Романов, оператор Иван Семенов бааллар.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…