Хаартыска уонна видео --- Елена Потоцкая.
Арассыыйаҕа Ийэ күнүн көрсө национальнай-култуурунай түмсүүлэр норуоттар икки ардыларынааҕы иккис пуорумнарыгар араас омук ийэлэрин сомоҕолоһуулара, бэйэ-бэйэлэрин өйөһүүлэрэ чаҕылхайдык көһүннэ.
Ол курдук, остуолларын тардар кэмнэригэр кимиэхэ туох тиийбэтэҕэр ылсан-бэрсэн, астарын бүлүүдэлэриттэн амсайан, ийэлэр ханна баҕарар, хаһан баҕарар истиҥ сыһыаннаахтара көһүннэ.
Дьокуускай куоракка олохсуйбут цыган ыала Михайловтар-Макаровтар дьиэ кэргэн сандалыларын аһа баайа үгүс киһи болҕомтотун тарта. Ыал ийэтэ пуорумҥа кытта сылдьар буолан, миигин кытта оҕолор кэпсэттилэр. Кинилэр национальнай астарын маннык билиһиннэрдилэр:
Сотору буолан баран, пуорум түмүктэнэн, ийэлэрэ Нина Степановна улахан кыыһынаан, оҕолор ийэлэринээн тиийэн кэллилэр. Чочумча буолан баран, кинилэри сыанаҕа ыҥырдылар. Ити аата араас омук дьоно, аны, бэйэлэрин омуктарын култуураларын билиһиннэриилэрэ саҕаланна.
Кэпсэтэ турбут дьонум кыралыын-улаханныын үҥкүүгэ киирэн, сыананы соҕотохто ылан кэбистилэр. Көрүөххэ үчүгэйэ!
Ыал ийэтэ, тапталлаах эбэтэ Нина Михайловна кэргэнинээн иккиэ бэйэлэрэ 60-ча киһи буола тэнийбиттэр. Дьиэ кэргэнин туһунан сэһэргэһээччим маннык билиһиннэрдэ:
Михайловтар дьиэ кэргэттэрэ пуорумҥа көхтөөтүк кыттан, тэрээһини олус киэргэттилэр.
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…