Сахагов
Норуоттар икки ардыларынааҕы күрэхтэһиилэр кыттыылаахтара уонна ыалдьыттара!
Бүгүн уон бэһис төгүлүн көҥүл тустууга САССР, РСФСР, ССРС үтүөлээх тириэньэрэ Дмитрий Петрович Коркин кэриэһигэр Норуоттар икки ардыларынааҕы күрэхтэһиилэр Арассыыйа уонна тас дойдулар сүүстэн тахса бастыҥ тустууктарын түмэр. Эһигини Олоҥхо ытык сиригэр өрөспүүбүлүкэбитигэр түөлбэлээн олорор элбэх норуот аатыттан истиҥник ээҕрдэлиибин!
Улуу тириэньэр Дмитрий Петрович Коркин саха тустуутун оскуолатын төрүттээбитэ. Кини сыратын-сылбатын биэрбит үлэтин түмүгэр саха тустуутун туһунан аан дойду барыта билбитэ. Кини ССРС успуордун 175 маастарын, норуоттар икки ардыларынааҕы кылаастаах успуорт 13 маастарын, успуорт 4 үтүөлээх маастарын иитэн-такайан таһаарбыта, кинилэр ортолоругар — Арассыыйа, Сэбиэскэй Сойуус, Европа чөмпүйүөннэрэ, аан дойду уонна олимпийскай оонньуулар чөмпүйүөннэрэ. Өрөспүүбүлүкэҕэ билиҥҥэ диэри ситиспит түмүктэринэн киниэхэ тэҥнээх суох. Кини олоҕун бүттүүн анаабыт дьыалатын кини үөрэнээччилэрэ салҕыыллар.
Норуот өйүгэр-санаатыгар Дмитрий Петрович үөрэнээччилэрин Олимп чыпчаалын дабайыылара хаалла. Бу күннэргэ киэҥ экраҥҥа саха номоххо киирбит тустууктарын Роман Дмитриев, Павел Пинигин, Александр Иванов уонна кинилэр тириэньэрдэрин олимпийскай пьедесталга суолларын туһунан киинэ тахсыыта тоҕооостоох буолла. Бу история эдэр көлүөнэҕэ биир дойдулаахтарынан киэн туттууну үөскэтиэ уонна кыайыыларга сирдиэҕэ. Коркин аата Саха сиригэр көҥүл тустуу төрүттэниитин уонна чыпчаалга тахсыытын историятыгар үйэлэргэ суруллан хаалла.
Өрүү буоларын курдук, күрэхтэһиилэр чиэһинэйдик барыахтара, спорстменнар умсулҕаннаах хапсыһыылары көрдөрүөхтэрэ диэн эрэнэбин. Саҥа саҕалыыр тустууктары кытта тэҥҥэ бэйэлэрин маастарыстыбаларын аан дойду, Европа, Арассыыйа чөмпүйүөннэрэ, олимпийскай оонньуулар чөмпүйүөннэрэ көрдөрүөхтэрэ. Уонна саамай сүрүнэ манна саҥа сулустар тахсыахтара.
Турнир доҕордоһуу уонна успуорт дьиҥнээх бырааһынньыгынан буоллун, көҥүл тустууну таптааччыларга уонна сүгүрүйээччилэргэ умнуллубат түгэннэри бэлэхтээтин.
Кытааччыларга Саха сирин көбүөрүгэр табыллыыны уонна ситиһиилэри баҕарабын. Күүстээх кыайдын!
Айсен Николаев, Саха Өрөспүүбүлүкэтин Ил Дархана
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат "Патриот" киинигэр өрөспүүбүлүкэ ыччатын түмүктүүр…
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…
Өрөспүүбүлүкэтээҕи медиа-кииҥҥэ ГТРК «Саха» 20 сыллаах үбүлүөйүгэр анаммыт үөрүүлээх киэһэ буолан ааста. Бу туһунан ЯСИА…
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…