Хаартыска: СИА
Даачаҕа Кыһыл кинигэҕэ киллэриллибит мастары уонна талахтары кэрдэр сокуонунан бобуллар. Быраабыланы тутуспатах буруйдаах улахан суумаҕа ыстарааптаныан сөп.
Ол туһунан «Природа и мы» пуонда үүнээйини харыстыыр бырагыраама салайааччыта, Рослесхоз иһинэн уопсастыбаннай сэбиэт чилиэнэ Константин Кобяков иһитиннэрдэ.
«Кэтэх уһаайбаҕа баар үүнээйи хаһаайын бас билиитигэр киирэр, ол эрээри манна эмиэ туспа быраабылалар үлэлииллэр. Бастатан туран, Кыһыл кинигэҕэ (федеральнай эбэтэр эрэгийиэннээҕи) киллэриллибит маһы уонна талаҕы кэрдэр сокуонунан бобуллар. Иккиһинэн, кэрдиллибит маһы эргинэр уонна атыылыыр көҥүллэммэт», — диэн Константин Кобяков aif.ru кэпсээтэ.
Ыстараап төлөбүрэ мас кээмэйиттэн уонна сааһыттан, ону таһынан сир учаастагын көрүҥүттэн тутулуктанар. Ол курдук, Кыһыл кинигэҕэ килллэриллибит маһы кэрдии иһин хас да сүүһүнэн тыһыынча солкуобайга тиийэ ыстараап көрүллэр. Муниципальнай бас билиигэ турар маһы кэрдии иһин -100 тыһыынча солкуобай. Ыстараап төлөбүрүн таһынан, тулалыыр эйгэҕэ буортуну оҥорууга толуйуу төлөбүрэ эмиэ ирдэнэр. Итини кытта административнай эппиэтинэстэн буруйдаах холуобунай эппиэтинэскэ тардыллыан сөп диэн сэрэтэлэр. Холобур, ойуур хаһаайыстыбатын харыстыыр зонаҕа үүнэр хатыҥы кэрдибиттэргэ хоромньу суумата 10 тыһыынча солкуобайга диэри тиийэр.
Валентин Распутин айымньылара хаһан баҕарар, хайа баҕарар киһи дууһатын кылын таарыйаллар. Ханна эрэ, түгэххэ түһэн,…
Оҕо сылдьан кулун тутар бастакы күннэриттэн саҕалаан салгыҥҥа быһа сиэтэн сорохпут сирэйэ сорох дьону ымсыырдыах…
Быйыл күһүн Саха сиригэр «Чайковскай-фест.Якутск» бэстибээл ыытыллыаҕа. Тэрээһиннэр алтынньы 17-31 күннэригэр буолуохтара. Ол туһунан Култуураҕа…
Муомаҕа Хонуу сэлиэнньэтигэр суотабай сибээс станциятын туруоруу үлэтэ түмүктэннэ. Бу күнтэн Арктика нэһилиэгин олохтоохторо мобильнай…
Дьокуускай куоракка ыам ыйын 24 күнүгэр 203 түөлбэҕэ СМАРТ-бибилэтиэкэҕэ «Эко-лабиринт» диэн экологическай үөрэхтээһин «Сааскы кэм»…
РФ Бырабыыталыстыбатын олунньу 7 күнүнээҕи 135 №-дээх уурааҕынан наркотиктаах эбэтэр сүһүрдэр (психотропнай) эттиктээх үүнээйилэр испииһэктэригэр…