Даачалаахтар учаастактарыгар урбаанынан дьарыктаналлара бобуллуоҕа

Балаҕан ыйын 1 күнүттэн даачалаахтар  учаастактарыгар харчы оҥороллоро, урбаан быһыытынан өҥө оҥороллоро бобуллуо

Бу сыл балаҕан ыйын 1 күнүттэн садовай кэммиэрчэскэйэ суох табаарыстыбаларын (СНТ) сирдэригэр-уоттарыгар урбаан дьарыга, ону кытта өҥө оҥоруута толору бобуллуо.

Бу туһунан юрист Никита Кулачкин иһитиннэрэр. «Хостеллар, ыскылааттар, мастарыскыайдар, автосервистар үлэлэрэ тохтотуллар. Билигин сокуоҥҥа киирбит көннөрүүлэр итини быһаччы бобор», — диэн юрист эттэ.

Докумуоҥҥа бэлиэтэнэринэн, СНТ сирдэригэр-уоттарыгар бары тутуулар гражданнар тус наадаларыгар эрэ ананан туһаныллыахтаахтар. Атыы-эргиэн эбэтэр олох-дьаһах өҥөтүн оҥоруу туһунан ураты быраабылалар көрүллүбэтэхтэр.

Саҥа быраабыланы кэһээччилэргэ административнай эппиэтинэс сүктэриллиэҕэ, оттон олохтоох былаастар учаастактарга бэрэбиэркэ ыытарга эбии боломуочуйа ылыахтара.