Дьаамсыктар култуураларын үйэтитэллэр

Бу күннэргэ Хаҥалас улууһугар «Реченька» уонна «Бубенцы над Леной», «Ямщицкий перезвон», «Сударушка» фольклорнай бөлөхтөр Иркутскай-Якутскай почтовай тракт судаарыстыбаннай дьаамын үлэтэ 280 сылыгар анаммыт былыргы фольклору үйэтитии тэрээһиннэрин ыыталлар.

Ол курдук, Покровскай куорат «Саргы түһүлгэтэ» култуура киинигэр олус дириҥ ис хоһоонноох дьаамсыктар фольклордарыгар анаммыт тэрээһин буолан ааста. Оттон Бэстээххэ «Олимп» култуурунай-спортивнай кииҥҥэ “Кэм кэрэһиттэрэ” киинэ уонна “Судаарыстыбаннай дьаамсыктар суоларынан” кинигэ быыстапкалара, дьаамсыктар куукуналарын билиһиннэрии буолла.