Игорь Слепцов хаартыскаҕа түһэриитэ.
Дьааҥы улууһун Арыылаах нэһилиэгэр «Арассыыйа ийэлэрэ» уопсастыбаннай тэрилтэни 2016 сыллаахтан иилээн-саҕалаан үлэлэтэр Бурнашева Наталья Софроновна байыаннай эпэрээссийэҕэ инники кирбиигэ сылдьар буойуттар олохторугар тыын суолталаах маскировочнай сиэккэни 40-ча ийэ буолан оҥорбуттарын туһунан «Саха сирэ» саайтка анаан кэпсээтэ.
— Биһиги, ийэлэр, буойун уолаттарбытыгар анаан маскировочнай сиэккэни оҥордубут. Маны олохтоох дьаһалта баһылыгар Руслан Николаевичка Бойко илдьэн туттардыбыт. Икки күн устатыгар үс улахан сиэккэни оҥордубут. Бу тэрээһиммитигэр нэһилиэкпит ийэлэрэ бары көхтөөхтүк кытыннылар. Элбэх оҕолоох Анна Петровна Аммосова икки оскуолаҕа үөрэнэр кыргыттара кэлэн күнү быһа үлэлэспиттэригэр туспа улахан махтал.
Бу икки күннээх аахсыйабытыгар ким кыахтааҕынан, уопсайа, 40-ча ийэ кыттыбыта улахан хайҕабыллаах уонна махталлаах суол. Билиҥҥи буола турар балаһыанньаны өйдөөн, нэһилиэгим ийэлэрэ барахсаттар ис сүрэхтэриттэн, амарах дууһаларыттан кыһалланнар, маннык аһымал аахсыйаларга кутуутун күүс-көмө, бигэ тирэх буолаллар. Нэһилиэкпитигэр почтабыт үлэлээбэт буолан, дьаһалтабытыгар илдьэн туттардыбыт. Биһиги туох баар алгыстаах санаабытын түмэн туран оҥорбут бу үс тэрилбит өстөөхтөн быыһыыр үрүҥ тыын өллөйө буоллун, хатыылаах харахтаахтан хаххалыыр харысхал буолуохтун! Буойуттарбыт төрөөбүт Сахаларын сиригэр этэҥҥэ чэгиэн эргиллэн кэллиннэр!
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…