Хаартыскаҕа: Суруйааччылар Гаврил Андросов уонна Рустам Каженкин В.Рожин балта Евгенияны кытта.
Бу күннэргэ байыаннай дьайыыга баран, ытык иэһин толоро сылдьан, сырдык тыына быстыбыт талааннаах бэйиэт Василий Рожин «Уот сүрэх» диэн хоһооннорун хомуурунньуга бэчээттэнэн таҕыста. Ол туһунан Саха сирин Суруйааччыларын сойууһун бырабылыанньатын бэрэссэдээтэлин солбуйааччы, «Чолбон» сурунаал бас эрэдээктэрэ Гаврил Андросов санаатын үллэһиннэ.
— Василий бу кинигэтэ Эдэр суруйааччылар сүбэ-мунньахтарыгар поэзия секциятыгар бастаабыта, бэчээттэнэргэ мэктиэлэммитэ. Кини суох буолбутун кэннэ, суруйааччылар биир санааҕа кэлэн, балта Евгенияны кытта сүбэлэһэн, түргэн соҕустук хоһооннорун барытын түмэн, таһаардыбыт. Мин литературнай эрэдээктэр быһыытынан үлэлэстим.
Эдэр бэйиэт сахалыы хоһоонноро барыта бу кинигэҕэ түмүлүннүлэр. Сорох хоһоонноро сүппүт, эбэтэр, социальнай ситимнэргэ сылдьар буолуохтарын сөп. Кини сүбэ-мунньахха икки төгүл кыттыбыта. Былырыын поэзияҕа бастыҥынан ааттаммыта. Бу кини нэһилиэстибэтин үйэтитии, бэйиэт быһыытынан ааттатыы Саха сирин Суруйааччыларын сойууһугар, Эдэр литератордар сүбэлэригэр ытык иэспит буолар. Төрөөбүт нэһилиэгэ дьоруой аатын үйэтитиигэ стела туруоран, сүрдээх үчүгэй дьаһаллары оҥортоон эрэр диэн сыаналыыбын. Төрөөбүт Дьааҥы улууһа нууччалыы хоһооннорун кинигэтин таһаарыыга ылсыһан, бу боппуруос сөпкө быһаарыллыа диэн эрэнэбин. Дьааҥы улууһа маннык уолаттарынан киэн туттуохтаах дии саныыбын, — диэн Гаврил Гаврильевич кэпсээтэ.
— Ийээ, мин ити ыраах куоракка устудьуоннуу бардахпына эһиги хайдах дьаһанан олоруоххутуй? Вадимнаах Мариша наһаа кыралар,.. —…
Нерюнгри оройуонугар оробуочай сырыытын кэмигэр Айсен Николаев Шахтер күнүгэр анаммыт миитиҥҥэ кытынна. Ил Дархан Алексей…
Киинэ хас биирдиибит дууһатын кылын таарыйар, долгутар уратылаах буолан, сырдык иэйиини уһугуннарар, араас толкуйу үөскэтэр.…
Бу күннэргэ Өймөкөөн улууһугар от ыйынааҕы уонна атырдьах ыйынааҕы халааннартан эмсэҕэлээбит олорор дьиэлэри, социальнай эбийиэктэри, суолу-ииһи,…
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…