Хаартыска: Маргарита Стручкова тиксэриитэ.
От ыйын 12 күнүттэн “Кыайыы 50 сыла” спорт дыбарыаһыгар “Стежок за стежком, метр за метром” байыаннай дьайыы кыттыылаахтарыгар анаан таҥас тигэр иистэнньэҥнэр куонкурустара саҕаланна.
Куонкуруһу “Илии сылааһа” дьахталлар добровольческай иистэнэр сыахтара бэһис сылын көҕүлээн ыытар. Күрэхтэһиигэ 11 улуустан сүүстэн тахса иистэнньэҥ кытта сылдьар.
Дьааҥы кыргыттара ыраахтан сылдьалларын аахсыбакка, хамаанда тэринэн күрэхтэһэ сылдьаллар.
“Хас да күн технопааркаҕа бэлэмнэннибит, — диэн кэпсиир Табалаах уһуйаанын сэбиэдиссэйэ Маргарита Стручкова. – Бэҕэһээ куонкуруспут арыллыбыта, хайыы-үйэ тигэн саҕалаатыбыт. 15-кэ түмүк тахсыахтаах. Барыта алта кэмпилиэк таҥаһы тигиэхтээхпит уонна биир адаптивнай таҥаһы тигиэхтээхпит. Манна төһө түргэнник, төһө элбэҕи тигэриҥ көрүллүбэт, сүрүнэ хаачыстыбалаах уонна быраабыланан оҥоһуллубут буолуохтаах. Ол иһин хат көтүрбэт курдук илиибитин үөрэтэ сатаатыбыт. Биир киһи быһар, ону бары тигэбит”.
Маргаританы куоракка уоппускатыгар кэлбитин, хамаандаҕа киһи тиийбэт, киир диэбиттэр.
“Киһи хайдах сөбүлэһиэ суоҕай. Маннык күрэхтэһиигэ элбэх таҥас бэлэмнэнэн, барыта бэйэбит оҕолорбутугар барар, — диир кини. — Саҥаттан саҥа дьон киирэн, бу үтүө дьыалаҕа кыттыһан иһэллэр. «Илии сылааһын” кыргыттара наһаа маладьыастар. Киһи сөҕө көрөр, хайгыыр дьоно. Куонкуруска миэстэлэһэр, мин санаабар, улахан оруолу оонньообот. Барыта Кыайыы туһугар! “
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан бэнидиэнньиккэ, ахсынньы 8 күнүгэр,…
Госдууума дьокутааттара страховой биэнсийэҕэ сыл аайы эбии төлөбүрү олохтуур туһунан этии киллэрдилэр. Уларытыылары "Страховой биэнсийэлэр…
Бүгүн, ахсынньы 8 күнүгэр, Дьокуускай куоракка былааннаммыт суһал өрөмүөн үлэлэрэ ыытыллалларынан, сорох аадырыстарга быстах кэмҥэ…
Бэнидиэнньиккэ, ахсынньы 8 күнүгэр, Сир магнитосферата бигэ туруга суох. Бу күн магнитнай буурҕа буолар сабаҕалааһына…
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…