Дьааҥы оройуонугар ураты баһаарынай эрэсиим биллэрилиннэ

Дьааҥы оройуонугар үс ойуур баһаара турбута бэлиэтэммит, уопсай иэнэ — 51 га. Бу кэмҥэ уоту бохсууга Авиалесохрана 12 үлэһитэ мобилизацияламмыт.

Ойуур баһаара Томпо сэлиэнньэтиттэн 10 уонна 19 км тэйиччи сиргэ турбут, нэһилиэнньэлээх пууҥҥа кутталы суоһаабат диэн Авиалесохрана пресс-сулууспата суруйар.

Авиалесохрана салайааччыта Владимир Леонов иһитиннэрбитинэн, баһаары утары охсуһар бөлөхтөрү күүһүрдэр үлэ салҕанар. «Билигин өссө 25 үлэһиппит баһаары умуруорууга миэстэтигэр айаннаатылар. Группа өссө 20 киһиэхэ улаатара былааннанар. Бөлөҕү эбии 20 киһинэн элбэтэр былаан баар», — диэн Владимир Леонов кэпсиир. Дьааҥы оройуонугар ураты баһаарынай эрэсиим биллэрилиннэ.