Хаартысканы Тускулаана ГОРОХОВА-КОБЕЛЬЯНОВА тиксэрдэ
Үөһээ Дьааҥы Табалааҕар элбэх оҕолоох, сиэннээх Марыына, Киргиэлэй Горуохаптар кыһыл көмүс сыбаайбаларын тэрийдилэр.
Марыына Уйбаанабна сарсыарда аайы оҕолорун, сиэннэрин саламаат аһынан күндүлүүр. Оттон Киргиэлэй Махсыымабыс сэттэ уон биэһигэр күүһүн-күдэҕин сүтэрбэккэ маһын, мууһун барытын бэйэтэ дьаһайар. Ыал аҕа баһылыга этэринэн: «Тыыл үчүгэй буоллаҕына барыта кэминэн, үчүгэй буолар, мин тыылым олус үчүгэй», — диир.
Марыына, Киргиэлэй аҕыс оҕону киһи-хара оҥорон, олоххо суолларын тэлэн, билигин элбэх сиэн, хос сиэн тапталлаах дьоно буолаллар. Дьааҥы ытык ийэтэ сиэннэрин көрөр, «Илгэ» түмсүү көхтөөх кыттыылааҕа, арааһы мунньар үгэстээх, хас да кэллиэксийэлээх. Киһи сөҕөрө 90-с сыллартан мунньар мыылата хайы сах икки тыһыынчаҕа тиийбит.
Ыал амарах аҕата хойуккааҥҥа диэри этэрбэс улларбыта, дьиэ туппута. Нэһилиэккэ балаҕан тутан улахан бэлэх оҥорбута. Билигин балаҕаҥҥа «Илгэ» түмсүү арааһы айар-тутар, ыраахтан-чугастан ыалдьыттары көрсөр.
Бу үөрүүлээх күнү Горуохаптар лоп курдук биэс уон сыл анараа өттүгэр тэрийбит дьиэлэригэр уруккута остолобуой этэ, билигин музыкальнай оскуолаҕа тэрийдилэр.
Табалаахха буолбатах өрөгөй түгэн тосхойон кыһыл көмүс сыбаайба уоттаахтык-күөстээхтик ньиргийдэ. Саамай үөрүүлээҕэ күн сиригэр көрдөрбүт оҕолоро сүүрбэччэ сыл буолан баран бары бииргэ түмсэн төрөппүттэрин истиҥник эҕэрдэлээбиттэрэ улахан дьол!
Тускулаана ГОРОХОВА-КОБЕЛЬЯНОВА
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…