Дьааҥы улууһугар 148 киһи ойуур баһаарын умуруорар

Баһаар сезона саҕаланыаҕыттан Саха сирин бары улуустарыгар ойуур баһаарын суукканы эргиччи кэтииллэр. Уот турбут сирдэригэр суһал дьаһаллар ылыллаллар диэн СӨ Экологияҕа министиэрситибэтэ иһитиннэрэр.

От ыйын 25 күнүнээҕи дааннайынан, Дьааҥы улууһугар уопсайа 6675 га иэннээх 5 ойуур баһаара бэлиэтэнэр.

Дьааҥы улууһун баһаарыгар 148 киһи уонна 3 тиэхиньикэ үлэлиир. Чуолаан, Токума сэлиэнньэтиттэн 7,11 км ыраах сиргэ уот турбут сирин тыраахтырынан эргитэр үлэ барар. Ону таһынан ойуур баһаардарыгар мотопомпалаах тыраахтырдар үлэлииллэр.

Нэһилиэнньэлээх пууннарга уонна экэниэмикэ эбийиэктэригэр куттал суох. Өрөспүүбүлүкэ атын улуустарыгар уоту бохсуу уонна умуруоруу үлэтигэр эбии күүстэр ыытыллаллар.